भांगरभूंय | प्रतिनिधी
तिरुपती, खबरां संस्था : तिरुमला तिरुपती देवस्थान प्रशासनान दोन भायल्या (आवटसोर्स) कामगारांक सेवेंतल्यान काडून उडयल्यात. सोशल मीडियावर व्हायरल जाल्ल्या व्हिडियोंत हे दोगूय अलिपिरी वाठारांत मास खातना दिसले, म्हूण ही कारवाय केली. अलिपिरी हे तिरुमला देवळा कडेन वचपाचें मुखेल प्रवेश दार.
ह्या वाठारांत मांस खावपाक मनाय आसा. मात, संबंदीत कामगारांनी नेम मोडून तांणी पायर्यांचेर बसून मांस खाल्लें, असो व्हिडिओ सोशल मिडियाचेर झळकले.
घडणुके उपरांत तिरुमला टू टावन पुलीस स्टेशनार कागाळ केली. पुलिसांनी आंध्र प्रदेश धर्मादाय आनी देणगी अधिनियमाच्या कलम ११४ खाला गुन्यांव नोंद करून तपास सुरू केलो. TTD प्रशासनान आपल्या अधिकृत निवेदनांत म्हणलें, रामस्वामी आनी सरसम्मा ह्या दोन कामगारांक पवीत्र दोंगराचे नेम मोडिल्ल्यान तेन्नाच तांकां सेवेंतल्यान काडून उडयले. पुलिशेंत कागाळ दाखल केल्या, अशें प्रशासनान एक्स (ट्विटर) पोस्टांत म्हणलां.
मंदिर प्रशासनान परत स्पश्ट केलें, तिरुमला वाठारांत मांस, नुस्तें, तांतयां अश्या जिन्नसांचेर पुरायेन बंदी आसा. हे नेम मोडप्यांचेर कारवाय करतले, अशीय शिटकावणी दिली. हाचे आदीं तांतयांची हांगाचे एके बागेंत किस्मुर खावपी तामिळनाडूच्या लोकांक तापोवणी पडिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
