भांगरभूंय | प्रतिनिधी
मडगाव: घोगळ, मडगांंवच्या चौगुले महाविद्यालया लागसारच्या कृष्णा प्लाझा हांगच्या एस.व्ही. ज्वेलर्सचें शटर फोडलें. दुकानदारान दिल्ले म्हायती प्रमाण, सीसीटीव्ही फुटेजींतल्यान चार चोर आशिल्ल्याचें दिसून आयलां. फातोड्डें पुलीस घडणुके सुवातेर दाखल जाल्यात. सध्या तपास सुरू आसा.
घोगळ, मडगांवच्या कृष्णाप्लाझा हांगचें एस. व्ही.ज्वेलर्स हें भांगराच्या वस्तींचें दुकान आयतारा रातीं फोडलें. चोरांनी दुकानाचें शेटर एके वटेन मोडिल्ल्याचें दिसता.
एस.व्ही ज्वेलर्सचे धनी सुरेश कुर्डेकार हांणी सांगलें, बुधवारा सावन आपूण कुटुंबा सयत गांवांत गेल्लों. आयतारा दनपरां गांवांतल्यान परतलों. तेन्ना दुकानांची स्थिती बरी आशिल्ली. चोरी जाल्ल्याचें दिसूंक नाशिल्लें.
सोमारा सकाळीं सोसायटीच्या अध्यक्षांनी घराकडेन येवन दुकान फोडलां दिसता, अशी म्हायती दिली. उपरांत दुकानांत वचून पयलें तेन्ना दुकानाचें शटर मोडिल्ल्याचें दिसून आयलें.
सीसीटीव्ही कॅमेर्याच्या फुटेजींत चार मनशांनी ही चोरी केल्ल्याचें दिसून आयिल्ल्यान लोखणाच्यो सळी घालून तें फोडटना दिसून येता. दुकानाचें शटर उक्तें केले उपरांत भितरलें कांय सामान चोरयेक गेलां काय ना हें कळटलें.
हांगा घाऊक सोरो विक्रेचें दुकान जरी आसलें तरी किरकोळ सोर्याची विक्री करतात. सगले दुकाना लागसार येवन पियेवपाक बसतात. तांचेरूय कारवाय जावपाची गरज तांणी उक्तायली.
फातोड्ड्यां ह्यान पयलीं दोन घरां फोडपाच्यो घडणुको मुखार आयल्यात. पुलिसांनी गुन्यांवूय नोंद केल्यात. ह्याच सप्तकांत ३ नोव्हेंबराक अंबाजी, फातोड्डेंच्या प्रयांक मतिमान हांच्या घरांत जाल्ले चोरये प्रकरणांत अनवळख्या आड गुन्यांव नोंद केलो.
ही चोरी १९ ऑक्टोबर ते ३ नोव्हेंबर ह्या काळांत जाल्ली. चोरांनी दोन गॅस सिलिंडर, आठ लाखांच्यो भांगरा वस्ती सयत ८.६० लाखांचो माल चोरिल्लो. त्यान पयलीं ३० ते ३१ ऑक्टोबर ह्या काळांत मुंगूल ग्रँड वाठारांतली प्रीती लोटलीकार हांच्या घराच्या दाराचें कुलूप मोडून चोरांनी घरांतल्यो भांगरा वस्ती सयत २.९० लाखांचो माल चोरिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
