भांगरभूंय | प्रतिनिधी
दानापूर, खबरां संस्था: पाटण्या लागसार दानापूर हांगा घराचें पांखें कोसळून एकाच कुटुंबांतल्या पांच जाणांक मरण आयलें. आयतारा रातीं उसरां सारण आनी पाटण्याचे शिमेर डायरा प्रदेशांतल्या मानस नया पानापूर गांवांत ही घडणूक घडली.
घराचें पाखें कोसळिल्ल्यान मोहम्मद बबलू (३५), ताची घरकान्न रोशन खातून (३०), ताची धूव रुसर (१२), पूत मोहम्मद चांद (१०) आनी धूव चांदनी (२) हांकां मरण आयलें.
गांवकर्यांच्या म्हणण्या प्रमाण, मोहम्मद बबलून इंदिरा आवास येवजणे खाला घर बांदिल्लें. मात तें मोडपाक पाविल्लें. आयतारा रातीं अचकीत घराचें पाखें कोसळ्ळें आनी राशी पोंदा न्हिदिल्ल्या कुटुंबांतले पांच वांगडी चिड्डले. मोहम्मद बबलूचो भाव भायर आशिल्लो आनी तांणी ताचो जीव वाटयलो.
पांखें कोसळ्ळ्या उपरांत शेजार्यांनी व्हड आवाज आयकलो. पांखें कोसळिल्ल्याचें पळोवन लोक भायर पडले. अपघात जालो तेन्ना पुराय कुटूंब जेवणा उपरांत न्हिदिल्लें, अशें सांगतात.
बर्याच यत्नां उपरांत, रांस काडले उपरांत पांच जाणांच्यो कुडी सांपडल्यो. बबलू खान हांचें घर एका गृहनिर्माण येवजणे खाला घेतिल्लें. घराच्यो वणटी आनी पांख्याक वेरो गेल्ल्यो. हाका लागून हो अपघात जालो.
घर ३० वर्सां पोरणें
शेजारी राम मंगिया राय हांणी, ररातचें पांखें कोसळ्ळें. आवाज आयकून लोक जमले आनी कुडी भायर काडल्यो. आमी रातभर जागे आशिल्ले. रातच्या सुमार ९:३० वरांचेर जेवणा उपरांत न्हिदपाक वतना हो अपघात जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
