भांगरभूंय | प्रतिनिधी
नोकरी बदल्ले उपरांत २-३ दिसांनी पिएफ पावतलो नव्या खात्यांत
आतां नोकरी बदलतना फॉर्म भरपाची वा ईपीएफ बदलीची वाट पळोवपाची गरज ना. आतां ईपीएफओन स्वयंचलीत हस्तांतरण पद्दत चालीक लायल्या, जी २०२५ मेरेन पुरायेन लागू करतले. हाका लागून लाखांनी कर्मचार्यांचे पीएफ बॅलन्स तांच्या नव्या नियोक्त्याच्या खात्यांत आपोआप ट्रान्सफर जातले.
पोरणी पद्दत: बदली करपाक म्हयने लागताले
ह्यान पयलीं नोकरी बदलतना कर्मचार्यांक फॉर्म १३ भरचो पडटालो. ते उपरांत तांकां पोरण्या आनी नव्या दोनूय धनयां कल्यान व्हॅरिफिकेशन करून घेवचें पडटालें. हाका एक ते दोन म्हयने लागताले. दावे चड करून जायते फावटीं न्हयकारताले वा व्याज उणें जातालें. ईपीएफओच्या आंकड्यां प्रमाण दर वर्सा लाखांनी दावे आडकून उरले. आतां नव्या नेमांक लागून ह्यो सगळ्यो समस्या सुट्टल्यो.
नवीन प्रणाली कशी काम करतली
जेन्ना कर्मचार्याचो नव्या कामांत आसपाव जाता तेन्ना नवो नियोक्ता UAN क लिंक करतले.
ईपीएफओ पोर्टलाचेर आधार आनी केवायसी वरवीं ऑटो व्हेरिफिकेशन जातलें.
उरिल्लो पोरणो पीएफ सरळ नव्या खात्यांत हस्तांतरित करतले.
कसलींच कागदपत्रां ना, हस्तांतरण ३ ते ५ दिसांनी पुराय जातलें.
मुखेल अट: UAN सक्रीय केल्लो आसपाक जाय आनी आदारा कडेन लिंक केल्लो आसपाक जाय.
कर्मचार्यांक मेळटले ५ व्हड फायदे
वेळे वाचोवप: म्हयन्यां बदला दिसांनी हस्तांतरण.
कागदपत्रां अपलोड नात, स्वयंचलित प्रक्रिया.
व्याज चालूच उरतलें, लुकसाण जावचें ना.
निवृत्ती उपरांत पुराय रक्कम एके सुवातेर उपलब्ध जातली.
नोकरी बदलप सोपें आसा, विशेश म्हळ्यार खाजगी मळावेल्या लोकां खातीर.
डिजिटल इंडियाकडेन पावल: ईपीएफओ
हाचो फायदो १० कोटी वयर वांगड्यांक जातलो अशें ईपीएफओ म्हणटा. स्वयंचलीत हस्तांतरणाक लागून कागदविरयत आनी फास्ट सेवा मेळटली अशें एका वरिश्ठ अधिकार्यान सांगलें.
युएएनाक आधारा कडेन जोडल्यार जावपी फटींगपणांय आडावंक मेळटली. आमी २०२५ वर्साच्या पयल्या तीन म्हयन्यांनी पुराय अंमलबजावणी पुराय करतले. आतां कर्मचार्यांनी आपलो युएएन सक्रिय करचो अशें तांणी सांगलें.
२०२५ वर्सा ईपीएफओ प्रणालींत जातले आनीक बदल
ईपीएफओ पुराय प्रणाली डिजिटायझेशन काम करता. येवपी काळांत पीएफ काडपूय स्वयंचलित जावपाक शकता. जर तुमचो यूएएन पोरणो आसल्यार ईपीएफओ ऍप वा वेबसायटीक भेट दिवन तो तो अपडेट करात.
नवे नोकरेक लागचे पयलीं तुमचें आदलें पीएफ खातें बंद जालां काय तें तपासात. हाका लागून तुमचो निवृत्ती निधी सुरक्षीत उरतलो.
युएएन कशें सक्रिय करप?
युएएन सक्रिय करपाची प्रक्रिया ऑनलायन आनी सोपी आसा. कर्मचारी ईपीएफओ वांगडी पोर्टलाक भेट दिवन कांय साद्या स्टॅप्सांनी तें पुराय करूंक शकतात…
ईपीएफओचे वॅबसायटीक भेट दिवची – https://uniedportal-mem.epndia.gov.in. ह्या लिंकाचेर क्लिक करात.
युएएन, नांव, जल्म तारीख, आधार नंबर आनी मोबायल नंबर घालात.
तुमच्या मोबायलाचेर मेळिल्ले ओटीपी वरवीं तपासात.
लॉगीन प्रमाणपत्रां सेट करात.
सक्रियता पुराय जाले उपरांत कर्मचारी आपली पीएफ शिल्लक, दाव्यांची स्थिती आनी केवायसी अपडेट ऑनलायन तपासूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
