भांगरभूंय | प्रतिनिधी
नवी दिल्ली, खबरां संस्था ः एक कप च्या आनी ताचे वांगडा एक सिगरेट हे मिश्रण भारतांत खूब प्रमाणांत दिसून येता. ताका “चाय-सुट्टा” अशें म्हण्टात. खंयच्याय च्या दुकानांत एका हातांत च्या आनी दुसऱ्या हातांत सिगरेट आशिल्ले लोक दिसतले.
हें मिश्रण धोक्याचें आसा. लोक ताण उणो करपा खातीर तें पियेतात. पूण ताका लागून काळजाचेर चड ताण पडटा, रगतदाब वाडटा आनी मेंदवाक हे गजालीची संवय जाता. गरम च्या वांगडा सिगरेट पियेल्यार अॅसिड रिफ्लक्स, कॅन्सर आनी फुफ्फुसांचो दीर्घकाळ दुयेंस जावपाचो धोको जायत्या पटींनी वाडटा.
संवसारीक भलायकी संघटनेच्या (WHO) मतान, संवसारभर दर वर्सा धूम्रपानाक लागून 80 लाखां परस चड लोकांक मरण येता. भारतांत हो आंकडो 10 लाखां वयर आसा. हेर तंबाखूच्या उत्पादनांचो आस्पाव केल्यार दर वर्सा 13.5 लाख लोकांक मरण येता. च्याचे बाबतीत पळयल्यार भारत हो संवसारांतलो सगळ्यांत व्हडलो च्या उत्पादक आनी गिरायक देश. सरासरी हांगा दर एक मनीस दर वर्सा 700 ग्रामां परस चड च्या पियेता. पूण हे च्याचें सिगरेट बरोबर मिश्रण जाता तेन्ना ताचें लुकसाण दुपेटीन जाता.
च्या आनी सिगरेटीचे मिश्रण कित्याक बरें दिसता?
च्यांत कॅफीन आसता, जाका लागून जागृताय वाडटा. सिगरेटांतलें निकोटीन हें चड खर करता आनी हे थोड्याच काळा खातीर बरें दिसूं येता. पूण ताका लागून काळजाचो धोको वाडूंक शकता आनी रगतदाब वाडूंक शकता. दर दिसा अशें केल्यार दीर्घ काळांत काळजाच्या दुयेंसांचो धोको चड वाडूंक शकता.
च्या आनी सिगरेट एकठांय पियेल्यार तकली दुखप, घुंवळ येवप, मळमळ, पोटांत दुखप अशें त्रास जाव येता. निकोटीन कुडीचेर ताण दिता, जाल्यार कॅफीन ते उत्तेजित करता. दर दिसा कोणूय धूम्रपान करता आनी च्या पियेता जाल्यार ताच्या रगतांतली साकर वाडूंक शकता. च्या-सिगरेट हांचे मिश्रण निरोगी आहाराकय न्हायकार दिवंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
