भांगरभूंय | प्रतिनिधी
अखिल भारतीय कोंकणी परिशदेच्या 26 व्या अखिल भारतीय साहित्य संमेलना खातीर नांव नोंदणी करपा खातीरची मुजत वाडोवन 10 नोव्हेंबर 2025 दिसा मेरेन केल्या. संमेलनाक हाजीर रावपाची इत्सा आशिल्ल्यांनी सकयल दिल्लें गुगल लिंक भरपाचें आवाहन आयोजकांनी केलां.
https://docs.google.com/forms/d/e/1FAIpQLSf1rSeS_5EXQahSN9moeUwI-uX40zeLIKu8J8WTX3KYTMbgHQ/viewform?usp=header
आतां मेरेन गोंयच्यान सुमार 250 जाणांनी नांव-नोंदणी केल्या. गोंया सयत केरळ, कर्नाटक आनी हेर वाठारांतले सुमार 600 प्रतिनिधी ह्या संमेलनांत वांटो घेतले अशें कार्याध्यक्ष चेतन आचार्य हांणी सांगलां.
26वें अखिल भारतीय साहित्य संमेलन 22 आनी 23 नोव्हेंबराक केरळांतल्या कल्लूर-एर्णाकुलमांत ए. जे. हॉलांत जातलें. संमेलनाचें आयोजन करपाची जापसालदारकी केरळांतल्या कोंकणी संस्थांनी संयुक्तपणान घेतल्या. प्रतिनिधीं खातीर रावपाची वेवस्था कल्लूर वाठारांतल्या सीजे ग्रांद बिजनेस हॉटेल, पार्क सॅण्ट्रल, रिनिवल सॅण्टर, आश्रीत भवन आनी लागींच्या हॉटेलांनी केल्या. विद्यार्थ्यां खातीर रावपाची वेगळी वेवस्था केल्या. संमेलनाचे सुवाते पसून सुमार 1 ते 2 किलो मिटर वाठारांत रावपाची वेवस्था आसतली. रावपाची वेवस्था फकत दोन दिसां खातीर आसतली. 21 नोव्हेंबराक पावपी प्रतिनिधीं खातीर रातीं जेवणाची वेवस्था आयोजक करतले तशेंच 22 आनी 23 नोव्हेंबराक नाश्तो-जेवणाची वेवस्था आयोजकांनी केल्या.
संमेलनाक हाजीर रावपाची इत्सा आशिल्ल्या प्रतिनिधींक शुक्रारा 21 नोव्हेंबराक सकाळीं एर्णाकुलम पावपाची विनंती आयोजकांनी केल्या. त्या दिसा प्रतिनिधींच्या खर्चान (चडांत चड 500 रुपया) कोची शारांतल्या मुखेल थळांक भेट दिवपाची वेवस्था आयोजकांनी सकाळीं 10 वरां सावन केल्या. प्रतिनिधींक नाश्तो आयोजक दितले पूण दनपाराच्या जेवणाचो खर्च स्वता उबारचो पडटलो.
संमेलनाक हाजीर रावंक सोदपी प्रतिनिधीं खातीर प्रतिनिधी शुल्क सकयल दिल्ले प्रमाणें आसा (दोन दिसां खातीर)-
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
