भांगरभूंय | प्रतिनिधी
वळेरेंत नंदन निलेकाणी हे एकसुरे कोंकणी मनीस
नवी दिल्ली : भारतीय संस्कृतायेंत दान करप हें शुभ मानतात. आमच्या मदले जायते जाण आपले ऐपती प्रमाण दान करतात. आतां भारतांतल्या सगल्यांत चड दान करपी लोकांची वळेरी उजवाडाक आयल्या. भारतांतले गिरेस्त लोक म्हणल्यार मुकेश अंबानी आनी गौतम अदानी. मात देणगीचे नदरेन ह्या दोगांय परस एक मनीस फुडें आसा. देशांतल्या मुखेल गिरेस्त लोकांनी २०२५ वर्सा आतां मेरेन १०,३८० कोटी रुपया दान केल्यात. हे विशीं जाणून घेवया.
शिव नादर
सगल्यांत दानशूर लोकाचे वळेरेंत एचसीएल टॅक्नॉलॉजीजचे संस्थापक शिव नादर आनी तांचे कुटूंब मुखार आसा. नादर कुटुंबान २०२५ त वट्ट २७०८ कोटी रुपयांचें दान दिलां. ते फाटल्या पांच वर्सांत चवथे फावट भारतांतले पयल्या क्रमांकाचे दानशूर व्यक्ती थारल्यात. ते सदांच सरासरी ७.४ कोटी रुपयांचे दान दितात. शिव नाडर हांची देणगी रक्कम फाटल्या वर्साचे तुळेंत २६ टक्क्यांनी वाडल्या.
हे वळेरेंत नंदन निलेकाणी हे एकसुरे कोंकणी मनीस आसात.
2025 चे टॉप 10 दानशूर
१. शिव नादर आनी कुटुंब (एचसीएल टेक्नॉलॉजीज) दान केल्ली रक्कम- २७०८ कोटी रूपया. ही देणगी शिव नादर फावंडेशना वरवीं शिक्षण आनी कला आनी संस्कृतीचे उदरगती खातीर दिल्या.
२. मुकेश अंबानी आनी कुटूंब (रिलायन्स फाउंडेशन) दान केल्ली रक्कम ६२६ कोटी शिक्षण, गांवचें परिवर्तन, भलायकी, बायलां सक्षमीकरण आनी दायजाची जतनाय घेवपाक दान.
३. बजाज कुटुंब (जमनालाल कनिराम बजाज ट्रस्ट, कमलनयन जमनालाल बजाज फावंडेशन) दान केलेली रक्कम ४४६ कोटी ग्रामीण भारतांतले समाजीक-अर्थीक उदरगती खातीर रक्कम दान.
४. कुमार मंगलम बिर्ला आनी कुटुंब (आदित्य बिर्ला ग्रुप) दान केल्ली रक्कम ४४० कोटी शिक्षण, भलायकी, बायलां सक्षमीकरण आनी खेळां मळा खातीर दान.
५. गौतम अदानी आनी कुटुंबान (अदानी फाउंडेशन) दान केलेली रक्कम -३८६ कोटी शिक्षण, कुशळटाय उदरगत, सामुदायिक भलायकी कार्यावळी खातीर दान.
६. नंदन निलेकणीन दान केल्ली रक्कम -३६५ कोटी भौशीक सेवांनी नवो उपक्रम आनी समाजीक परिसंस्था निर्माण करपा खातीर दान
७. हिंदुजा कुटुंब (हिंदुजा फावंडेशन) दान केल्ली रक्कम २९८ कोटी भलायकी, शिक्षणा खातीर दान
८. रोहिणी निलेकणी (एकस्टेप फावंडेशन) दान केल्ली रक्कम रु. २०४ कोटी शिक्षण आनी समाजीक उदरगती खातीर दान
९. सुधीर आनी समीर मेहता हांणी दान केल्ली रक्कम : १८९ कोटी भलायकी, गांवची उदरगत आनी शिक्षणा खातीर दान.
१०. सायरस पुनावाला आनी आदर पूनावाला (विल्लू पूनावाला फावंडेशन) दान केल्ली रक्कम १७३ कोटी शिक्षण आनी भलायकी सेवेच्या विस्तारा खातीर दान.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
