भांगरभूंय | प्रतिनिधी
पाटणा : बिहार विधानसभा वेंचणुकेंत मतदान सुरू जालां. हे वेंचणुकेंत कायदो आनी सुवेवस्था सांबाळपा खातीर गोंय सशस्त्र पुलिसांचो पंगड गेला. हातूंत वट्ट ६०० पुलिसांचो आसपाव आसा. छापरा जिल्ह्यांत ह्या पुलिसांक तैनात केल्यात.
पूर्व बिहार, कोसी हांगच्या मुंगेर, लखीसराय, खगडिया, मधेपुरा आनी सहरसा ह्या पांच जिल्ह्यांनी मतदान सुरू आशिल्लें. सकाळीं ११ मेरेन ३० टक्के मतदान जाल्लें. राज्य निर्वाचन आयोगान दिल्ले म्हायती प्रमाण, हांगच्या १७ विधानसभा सुवातांचेर सकाळीं ९ वरां मेरेन १४.४ टक्के मतदान जाल्लें. पयल्या दोन वरां उपरांत मतदारांचो आंकडो ल्हव ल्हव वाडतूच आशिल्लो. मतदानांत सिमरी बख्त्यिारपुर सीट मतदानांत मुखार आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
