भांगरभूंय | प्रतिनिधी
पेडणें: पेडण्या सेगीत बिबट्याचें जावपी दर्शन नागरिकां मदीं भंयाचें वातावरण निर्माण करता. पेडणेंच्या विवीध गांवांनी हे बिबटे दिसाचेय दिसपाक लायल्यात. फाटल्या दोन वर्सां सावन बेवारशी सुणीं तशें ल्हान वासरां ह्या बिबट्यान खाल्यांत. रान खात्या कडेन कसलीच उपाय येवजण नाशिल्ल्यान तें बिबट्याचो बंदोबस्त करपाक अपेशी थारलां.
पेडण्यां आतां रानवटी जनावरां गांवांनी पावल्यांत. रानांची जावपी नासाडी, तशेंच्या पेडणेंच्या पर्यावरणाचो व्हडा प्रमाणांत जावपी इबाड ह्या कारणांक लागून रानवटी जनावरां गांवांनी येवपाक लागिल्ल्याचीं मुखेल कारणां जावन आसा. सरकारान हे विशीं बेगोबेग उपाय करून बिबट्यांचो बंदोबस्त करची मागणी हांगचे लोक करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
