भांगरभूंय | प्रतिनिधी
फॅटी लिव्हर ही एक सामकी सामान्य पूण गंभीर समस्या. सुरवातेक हाका लागून कसलीच वेदना जायना, म्हणून लोक ताचे कडेन आड नदर करतात. अशें आसून तांक दुबळी जावंक लागता. थकप जाता, पोट जड जावप, अपचन, मळमळप हीं सुरवातेचीं लक्षणां. आयुर्वेदांत लिव्हर हें पित्ताचें मुखेल स्थान. पित्त असंतुलीत जाता तेन्ना कफ वाडटा आनी अग्नि दुबळो जाता, तेन्ना पचन सारकें जायना आनी ह्या अवयवांत चरबी जावपाक लागता.
चुकीचें जेवण, रातच्या वेळार जेवण आनी सोरो पिवचो न्हय. मूंगदाळ, दूद, पालक, हळद, जिरें, कोथंबीर, बडीशेप, गरम आनी पचपाक सोंपें अशें अन्न, खतखतिल्लें उदक फायद्याचें आसता. सकाळीं १५ मिनटां सुर्याच्या किर्णांक बसप, जेवणा उपरांत वज्रासन, अनुलोम-विलोम आनी ४ ते ६ सूर्य नमस्कार करप आनी रातीं पयलींच न्हीद घेवप हेय गरजेचें आसात.
आयुर्वेदांत उपचार
आयुर्वेदीक वखदांत आम्लाचो रोस, कालमेघ पिठो, त्रिफळांचो पिठो आनी एलोवेराचो रोस फायद्याचो. पूण खंयचेंय वखद योग्य दोतोराचो सल्लो घेतल्या उपरांतूच घेवचें. तशेंच जिरें-कोथमिरी-मेथीचें उदक, दुदासारको भोपळ्याचो सूप, लिंबाचें उदक, आल्याचो रोस आनी हळद अशे कांय सादे घरगुती उपाय आसात. हाका लागून पचनक्रिया सुदारता,लिव्हर ताण उणो जाता आनी धवळप उणें जाता.
फॅटी लिव्हर हें एक शिटकावणी दिवपी लक्षण. हाचो धोको आसल्यार रोखडेंच तुमच्या जिणे पद्दतींत बदल करचे. दिसपट्टे जिणेंत ल्हान ल्हान बदल हो सगळ्यांत बरो उपाय. ल्हव ल्हव आहार, फावो तें उदक, फावो ती न्हीद, व्यायाम आनी मनाची शांती लिव्हराक निरोगी दवरतात. लिव्हर निरोगी आसल्यार कुडीचीं जायतीं कार्यांय सुदारतलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
