भांगरभूंय | प्रतिनिधी
पणजी: कुवेटांत खूबशे गोंयकार नोकरीच्या निमतान आसात. गोंयकारांची सोय तशेच पर्यटनाक उर्बा दिवपा खातीर गोंय – कुवेट मजगतीं थेट विमान सेवा सुरू करपाची मागणी आमदार व्हेंझी व्हिएगश हांणी केली. कुवेटांत भारतीय राजदुताची तांणी भेट घेतली. ते भायर गोंय सांस्कृतीक केंद्राच्या संवसारीक गोंय दिसाच्या कार्यावळींत मुखेल सोयरे म्हूण तांणी वांटो घेतलो.
कुवेटांत भारतीय राजदूत संजय मुलुका हांची तांणी भेट घेतली. ह्या वेळार गोंय सांस्कृतीक केंद्राचे अध्यक्ष कार्मो सँटोस तांचे सयत हाजीर आशिल्ले.
गोंयांत दर वर्सा चित्रपट महोत्सव जाता. या चित्रपट महोत्सवांत कुवेटान वांटो घेवपाक जाय. हाका लागून पर्यटना सयत चित्रपट वाठारांत लेगीत नवी भागिदारी जावं येता, अशें व्हेंझी व्हिएगश हांणी सांगलें.
गोंय दिसाच्या कार्यावळींत तांणी संबोदीत केलें. कुवेटांत नोकरी निमतान आशिल्ल्या गोंयकारांनी गोंयची अस्मिताय सांबाळपाचो यत्न करपाक जाय अशें आवाहन तांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
