भांगरभूंय | प्रतिनिधी
90 च्या दसकांतलो सुपरस्टार म्हूण गोविंदाक वळखतात. खूब काळ मेरेन आपल्या वैयक्तीक जिणे खातीर चर्चेचो विशय जाल्लो गोविंदा सध्या आपल्या येवपा आशिल्ल्या चित्रपटाक लागून चर्चेंत आसा. मेळिल्ले खबरे प्रमाण गोविंदाक सलमान खानाचो एक व्हड चित्रपट मेळ्ळा. ताचे वरवीं हिरो नंबर 1 परतून व्हडल्या पड्ड्याचेर दिसतलो, अशें खूबशे जाणकार मानपाक लागल्यात.
सुमार 18 वर्सां उपरांत बॉलिवूड जोडी परतून व्हडल्या पड्ड्याचेर दिसतली. सलमान खान आपल्या दयाळपणाक लागून लोकां मदीं फामाद आसा. अशे खूबशे कलाकार आसात, जांकां वायट दिसांनी सलमान खानान आपल्या चित्रपटांत काम दिलां. अशेंच कितेंशें ताणें गोविंदा वांगडा केलां.
खबर पातळ्ळ्या ते प्रमाण फुडल्या दिसांनी गोविंदा आनी सलमान खान हे दोगूय ‘बॅटल ऑफ गलवान’ चित्रपटांत एकठांय दिसतले. ह्या चित्रपटा खातीर हिरो नंबर 1 चो मिशयांनी आशिल्लो लूक हालीं खूब व्हायरल जाता.
सलमान खानाचो ‘बॅटल ऑफ गलवान’ 2020 त भारत आनी चीन सैन्यांच्या संघर्शाचेर आदारीत चित्रपट आसा. ह्या चित्रपटाची चडशें शुटींग पुराय जालां. फुडल्या वर्सा जून 2026 त हो चित्रपट थिएटरांनी प्रदर्शीत जावपाची आस्त आसा. ह्या चित्रपटांत सलमाना वांगडा चित्रंगदा सिंह म्हत्वाची भुमिका करतना दिसतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
