भांगरभूंय | प्रतिनिधी
सोनोरा, खबरां संस्था: मेक्सिकोच्या सोनोरा राज्यांतल्या हरमोसिलो शारांतल्या सुपरमार्केटांत आयतारा भिरांकूळ उजो लागलो. हे घडणुकेंत भुरग्यां सयत उण्यांत उण्या २३ जाणांक मरण आयलें आनी जायते जाण गंभीर जखमी जाले.
मेक्सिकोंत ह्या सप्तकाच्या निमाणे कडेन एक उत्सव मनयतात, हो परंपरीक उत्सव, जातूंत कुटुंबां आपल्या लागींच्या मरण आयिल्ल्यांचो उगडास काडटात. पूण हो उत्सव मनयतना मेक्सिकोंतल्या हरमोसिलो शारांतल्या सुपरमार्केटांत उजो लागलो आनी २३ जाणांक मरण आयलें. मरण आयिल्ल्यां मदीं कांय भुरग्यांचोय आसपाव आसा.
हे घडणुकेंत १२ परस चड जाण गंभीर जखमी जाल्यात आनी तांचेर हॉस्पिटलांत उपचार सुरू आसात. व्हडलो उजो लागलो तेन्ना सुपरमार्केटांत अराजक आनी बोवाळ जालो. ते उपरांत कांय जाणांक उज्यांतल्यान वाटयले. ही घडणूक घडली तेन्ना उजो पालोवपी दळ रोखडेंच थंय पावलें आनी उजो नियंत्रणांत हाडपाचो यत्न केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
