भांगरभूंय | प्रतिनिधी
आयसीसी बायलांचे संवसारीक वन डे क्रिकेट सर्तीची फायनल आयज हांगाच्या डी व्हाय पाटील स्टेडियमाचेर येजमान भारत आनी दक्षीण आफ्रिका ह्या पंगडां मदीं जातली.
भारत तिसरे खेपे फायनलींत खेळटा. ही मॅच जिखून किताबाचो दुकळ सोंपोवपाचो ताचो यत्न आसतलो. दुसरे वटेन दक्षीण आफ्रिका पयलेच खेपे फायनलींत पावला. भारतान 2005 आनी 2017त मिताली राज हिच्या फुडारफणाखाला फायनलींत सुवात मेळयिल्ली. पूण, दोनूय खेपे ताका उप वस्तादपणाचेर समाधान मानचें पडिल्लें.
पंगड संयोजनः पंगडांत बदल जातलो काय ना?
लीग टप्प्या सावन भारतीय पंगड आपलो सगल्यांत संतुलीत संयोजनाच्या सोदांत आशिल्लो. सेमी फायनलींत ताका अपेक्षीत संतुलन सादपाक जमलें, सेमी फायनलींत स बॉलर आनी आठवे सुवाते मेलेन बॅटिंगेची खोलाय आशिल्ली. तशेंच, जेमिमा रॉड्रिग्स आनी राधा यादव हांच्या रुपान दोनउत्कृश्ट फिल्डर लेगीत पंगडांत आशिल्ले.
ऑस्ट्रेलिया पंगडा आड भारताची फिल्डिंग पूर्णपणान निर्दोश नाशिल्ली, तरी पूण, तीन बॅटर धांवबाद जाल्ल्यान प्रतिस्पर्धी पंगडाचेर खूब चेपण तयार जाल्लें.
भारताचें दालें जड, पूण…
बदलो आनी इतिहास घडोवपाची संद
आयचे मॅचींत भारत फकत वस्तादपण जोडपा खातीर खेळचो ना, जाल्यार दक्षीण आफ्रिका कडल्यान मेळिल्ले सेगीत तीन हारींचो बदलो घेवपाचो पेंगट बांदून मैदानांत देंवतलो.
25 वर्सांनी नवो इतिहास
मैदानाचो आनी हवामानाचो अदमास
मॅच डी व्हाय पाटील स्टेडियमाचेर जातली. ह्या मैदानाची खेळपट्टी ही बॅट्समनांक अनुकूल आसता. ताका लागून टॉस जिखपी पंगड पयलीं बॉलींग करपाक शकता. सांज वेळार दंव पडपाक सुरवात जाता. सध्या पावसाचें सांवट आसलें तरी फायनली खातीर राखीव दीस दवरला. ताका लागून क्रिकेट मोग्यांक निर्शेणी येवपाची शक्यताय कमी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
