भांगरभूंय | प्रतिनिधी
पणजीः कदंब म्हामंडळांत 11 पदां नियमित आनी गोंय वैजकी म्हाविद्यालयांत 3 पदां कंत्राटी पद्दतीन भरतले. कदंब म्हामंडळांतल्या पदां खातीर अर्ज करपाची निमाणी तारीक 15 नोव्हेंबर जाल्यार गोमेकॉत प्रोजेक्ट टेक्निकल सपोर्टच्या तीन पदां खातीर थेट मुलाखत 6 नोव्हेंबराक सकाळीं 10 वरांचेर जातली.
कदंब म्हामंडळांतल्या 11 पदांतल्यान फोरमनाचीं 5 पदां, सहाय्यक डेपो वेवस्थापकाचीं 2 पदां आनी खरेदी नियंत्रक, सहाय्यक अर्थीक नियंत्रक, ईडीपी वेवस्थापक आनी संशोधन सहाय्यक हांचे दरेकीं एक पद भरतले. वट्ट 11 पदां मदीं 4 पदां राखून दवरतले. हाचे विशीं सविस्तर म्हायती www.ktclgoa.com आनी www.goa.gov.in ह्या संकेतथळार आसा.
हाचे खातीर अर्ज म्हामंडळाच्या मुखेल कार्यालयांत सकाळीं 10.30 ते सांजेच्या 5 वरां मेरेन मेळटले. इत्सूक उमेदवारांक गरजेच्या कागदपत्रां सयत 15 नोव्हेंबर मेरेन म्हामंडळाक अर्ज सादर करचे पडटले. गोमेकॉतल्या प्रोजेक्ट टेक्निकल सपोर्टच्या 3 पदाचेर कंत्राटी काळ 2 वर्सां आनी 11 म्हयने आसा. हे खातीर जीवशास्त्र आनी तीन वर्सांचो अणभव आसप गरजेचें. प्रोजेक्ट टेक्निकल सपोर्टच्या 3 च्या आनीक एका पदाचेर कंत्राटी काळ 1 वर्स आनी 5 म्हयने आसा. हे खातीर जीवशास्त्र आनी तीन वर्सांचो अणभव आसप गरजेचें.
प्रोजेक्ट टेक्निकल सपोर्टच्या 2 पदाचेर कंत्राटी काळ 2 वर्सां आनी 6 म्हयने आसा. हे खातीर विज्ञान विशया सयत 12वी पास जाल्ले वा अभियांत्रिकी डिप्लोमा आसप गरजेचें. तशेंच चार वर्सांचो अणभव आसपाक जाय. गोमेकॉतल्या पदां खातीर अर्ज आनी सीव्ही एंडोक्रायनॉलॉजी विभागांत वा [email protected] ह्या ईमेलाचेर धाडचे. वेंचून काडिल्ल्या उमेदवारांक 6 नोव्हेंबराक मुलाखती खातीर आपयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
