भांगरभूंय | प्रतिनिधी
चिक्कमगळूर, खबरां संस्था : शृंगेरी म्हालांतल्या केरेकट्टे हांगा शुक्रारा सकाळीं जाल्ल्या हतयाच्या हल्ल्यांत त्याच गांवांतल्या दोगां दादल्यांक मरण आयलें. उमेश (४३) आनी हरीश (४२) अशीं तांचीं नांवां. ते दोगूय केरेकट्टे हांगा रावतात. हरीश हे भाजप शक्ती केंद्र, केरेकट्टेचे अध्यक्ष म्हणून कार्यरत आशिल्ले.
हे दोगूय कुद्रेमुख राष्ट्रीय उद्यानाच्या वाठारांत रावतात. शुक्रारा सकाळीं गायींक खावपा खातीर झाडांचीं पानां एकठांय करपाक रानांत गेल्ले. तेन्ना अचकीत तांचेर हतयार हल्लो केलो. ह्या हल्ल्यांत त्या दोगांकूय जाग्यारूच मरण आयलें. हे घडणुकेची म्हायती मेळटांच रान विभागाचे अधिकारी घडणुके सुवातेर पावले आनी तपास सुरू केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
