भांगरभूंय | प्रतिनिधी
फाल्यां सावन ऑनलायन अर्ज स्वीकारपाक जातली सुरवात
पणजी : पयली ते आठवी मेरेनच्या शिक्षकांं खातीर आतां सक्तीची आशिल्ली शिक्षक पात्रताय चांंचणी ९ आनी १० डिसेंंबराक जातली. गोंंय शालान्त मंंडळा वतीन ही परिक्षा जातली. परिक्षे खातीरचे ऑनलायन अर्ज १ ते १५ नोव्हेंबर मेरेन सादर करप गरजेचे.
परिक्षेचो अभ्यासक्रम, शुल्क तशेंच हेर नेम आशिल्ली पुस्तिका शालान्त मंंडळान जारी केल्या. पयली ते आठवी मेरेनच्या शिक्षकांच्या पदा खातीर जीटीईटी परिक्षा पास जावप गरजेचें. ती पास जावंक नाशिल्ले उमेदवार शीक्षक पदा खातीर पात्र थारचे नात. हाका लागून हे परिक्षेक म्हत्व आयलांं. दोन पेपर आसतले. पयली ते पाचवी मेरेनच्या शिक्षकांं खातीर पयलो पेपर दिवचो पडटलो. सवी ते आठवी मेरेनच्या शिक्षकांं खातीर दुसरो पेपर दिवचो पडटलो. दोनूय पेपरांंची परिक्षा दिवपाची मेकळीक आसा. शुल्क मात वेगवेगळे भरचे पडटले. शीक्षण हक्क कायदो (आरटीई) लागू जाले उपरांंत भरती जाल्ल्या शिक्षकांं खातीर ही परिक्षा पास जावप गरजेची थारता. हाका लागून सेवेंत आशिल्ले शिक्षक लेगीत हे परिक्षेक बसतले, अशी म्हायती गोपांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
