भांगरभूंय | प्रतिनिधी
पणजी : गोंयचे सहाय्यक बिशप सिमांव पुरिफिकासांव फर्नांडिस हांणी तिळामळ- केप्यां अवर लेडी मदर ऑफ द पुअर चर्चीच्या पॅरिशनर्स वांगडा स्वता हातांत कोयती घेवन भाताची कापणी केली. हो दीस श्रद्धा, मेहनत आनी पर्यावरण राखपाचो अर्थपूर्ण संगम थारलो. कापणी पयलीं बिशप सिमांव हांणी प्रार्थना करून पिकाक आशीर्वाद दिलो. ह्या प्रसंगाचेर तरणाटे, ग्रामस्थ आनी धर्मगुरूंनी एकवटान श्रमदान करून विस्वास कृतींतल्यान हें संकल्पनेक मूर्त रूप दिलें.
निर्मिती देवाची देणगी
पोप फ्रान्सिस हांच्या विचारांनी प्रेरित जावन बिशप सिमांव हांणी सांगलें, निर्मिती ही देवाची देणगी आसा. आमी तिचें राखणदार, शोशक न्हय. आयज देवाचे सृश्टीक व्हड लुकसाण जाता. पश्चीम विभागांतल्या ‘इकोलॉजी कमिशन’चे अध्यक्ष म्हणून हांवे स्वता उदाहरण घालून दिवचें म्हूण ह्या उपक्रमांत वांटेकार जालों, अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
