भांगरभूंय | प्रतिनिधी
पणजी : गोंयांत भौशीक सेवेंत आशिल्ल्या वाहनांक ३० नोव्हेंबर, २०२५ मेरेन वाहन ‘लोकेशन ट्रॅकींग सिस्टम’ आनी आपत्कालीन बटन बसोवचे, अशी सुचवणी येरादारी संचालनालयान जारी केल्या.
वाहतूक संचालक पी. प्रवीमल अभिषेक हांणी जारी केल्ले भौशीक नोटीसींत हे विशीं सविस्तर म्हायती दिल्या. रस्तो येरादारी आनी हमरस्तो मंत्रालयान मोटर वाहन कायदो १९८८ (Motor Vehicle Act 1988) वर्सा वाहनांक वाहन ‘लोकेशन ट्रॅकिंग सिस्टम’ आनी आपत्कालीन बटन बसोवपा विशीं आसपाव केल्लो. १ एप्रील, २०१८ ही नवी तरतूद केल्ली. उपरांत भौशीक सेवेंत आशिल्ल्या वाहनांक हो नेम सक्तीचो केल्लो. वाहन निर्मिती कंपन्यो, वाहन विक्रेते वा वाहन धनयांनी वाहन ‘लोकेशन ट्रॅकिंग सिस्टम’ आनी आपत्कालीन बटन बसोवपाची सक्ती केल्ली. मात, येरादारी खात्यान केल्ले पळोवणेंत, ‘लोकेशन ट्रॅकिंग सिस्टम’ आनी आपत्कालीन बटन एक तर बसोवंक ना वा बसयल्ले आसल्यार ते चलनात हें दिसून आयलां. हाका लागून भौशीक सेवेंत आशिल्ल्या वाहन धनयांक आनी जनतेकूय कळचें म्हणून संबंदीत अधिकारिणीचे संमतीन हो आदेश जारी केलो. तातूंत ३० नोव्हेंबर, २०२५ मेरेन भौशीक सेवेंत आशिल्ल्या वाहनांक वाहन ‘लोकेशन ट्रॅकिंग सिस्टम’ आनी आपत्कालीन बटन बसोवचे, असो आदेश भौशीक नोटीसींतल्यान जारी केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
