भांगरभूंय | प्रतिनिधी
पणजी : गोंयांत ऑक्टोबर म्हयन्यांत पावसान नेट धरला. ऑक्टोबर म्हयन्यांत ९१ टक्के चड पावस पडलो. ह्या म्हयन्यांत आतां मेरेन ३०३ मिमी पावस पडला. म्हयन्याची ही दुपेटीन सरासरी आशिल्ल्यान पावस सुरू जाल्ल्याक दर म्हयन्याक सरासरी १५९ मिमी इतली आसा.
पणजे सोमारा २५ मिमी पावस पडिल्ल्याची नोंद आसा. हाका लागून म्हयन्याक सरासरी ३७७.६ मिमी इतली आसा. मुरगांवां सगल्यांत चड ५४ मिमी पावस पडला. हाका लागून म्हयन्याची सरासरी ४१७ मिमी इतली जाली. पणजी आनी मुरगांवां २४४ मिमी आनी २९२ मिमी इतली चड पावसाची नोंद जाली. पणजी आनी मुरगांवां चडांत चड तापमानांत ३.७ सी आनी ४.२ सी इतलें देंवलां. ओलसाण ९७% आनी ९५% इतली उरली. पणजी आनी मुरगांवां उण्यात उण्या तापमानांत हो आंकडो देंवलो. निर्माण जाल्लो उण्या दाबाचो पट्टो गेले उपरांत हवामान पयलीं सारको जातलो.
हवामान खात्या वतीन मेळिल्ले म्हायती प्रमाण, मुरगांवां ऑक्टोबरांत सगल्यांत चड म्हणल्यार ४१७ मिमी. पावसाची नोंद जाली. मंगळारा सकाळीं मेरेनचे हे सरासरींत ताचो आसपाव आसा. पेडण्यां ४०८ मिमी पावसाची नोंद जाली. सगल्यांत उण्या पावसाची नोंद मडगांवां जाली. हें प्रमाण ८८ मिमी. इतलें आसा. हवामान खात्यान आयज २९ ऑक्टोबराक ‘यलो अलर्ट’ जारी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
