भांगरभूंय | प्रतिनिधी
पणजी : सर्वोच्च न्यायालयान रस्ताद सुण्यांच्या प्रस्ना वेल्यान सगल्या राज्यांक उजरावन काडलां. आतां गोंय सरकारान रस्ताद सुण्यां कडेन संबंदीत सुरू आशिल्ल्या प्रकरणांत प्राणी जल्म नियंत्रण नेमांच्या अंमलबजावणी खातीर उखलिल्ल्या पावलां विशींचें प्रतिज्ञापत्र पुराय केलां. आतां हाचे खातीर गोंय सरकार ताकतिक करता.
सर्वोच्च न्यायालयाचे खर टिप्पणी उपरांत, पशुसंवर्धन आनी पशुवैजकी सेवा विभागाच्या वरिश्ठ अधिकार्यांनी सोमारा एक आपत्कालीन बसका घेतली. न्यायालयान विशीश्ट निर्देशां उपरांतूय ह्यान पयलीं कळाव केल्ल्या अनुपालन प्रतिज्ञापत्राचें बेगोबेग सादरीकरण करपाचेर हे बसकेंत लक्ष केंद्रीत केलें.
३ नोव्हेंबराक जावपी फुडले सुनावणेच्या खूब आदीं, प्रतिज्ञापत्र बेगोबेग सारद करतलें. आमचे कडेन सगले डेटा आनी निमाणे घेतले, अशे एका वरीश्ठ अधिकार्यान सांगिल्लें.
एबीसीचे नेम चालीक लावपाक घेतिल्ल्या पावलां संबंदी प्रतिज्ञापत्र दाखल करूंक नाशिल्ल्यान सर्वोच्च न्यायालयान सोमारा सगल्या राज्यांच्या आनी केंद्रीय प्रदेशांच्या मुखेल सचीवांक समन्स दिलें.
न्यायमूर्ती विक्रम नाथ, संदीप मेहता आनी एन.व्ही. अंजारिया हांच्या खंडपीठान अशें नमूद केलें, २२ ऑगस्टाक सगलीं राज्यां आनी केंद्रशासीत प्रदेशांक अनुपालन सोपूत पत्रां दाखल करपाचे आदेश दिवनूय फकत अस्तंत बंगाल, तेलंगणा आनी दिल्ली महानगरपालिका हांणीच ते पाळ्ळ्यात. खंडपीठान गोंय आनी केंद्रशासीत प्रदेशां सयत राज्यांच्या मुख्य सचिवांक ३ नोव्हेंबराक न्यायालया मुखार हाजीर रावन आदेशाक पाळो दिवंक ना ताचें स्पश्टीकरण दिवपाचे निर्देश दिल्यात.
इन री : सिटी हाउंडेड बाय स्ट्रेयज, किड्स पे द प्रायस शीर्षकाचो सुमोटो खटलो बेवारशी सुण्यांच्या वेवस्थापनाच्या देशव्यापी समस्येची तपासणी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
