भांगरभूंय | प्रतिनिधी
मुंबय: मुरगांव बंदर प्राधिकरणान (एमपी) इंडीया मॅरीटायम सप्तक मुंबय हांगा सुमार ६ हजार कोटी रुपयांचे २५ समजीकायेचे कबलात (एमओयू) केल्यात. हातूंत ३ हजार कोटी रुपया खर्चून एलएनजी सांठोवन दवरपाचे सुविधेचो आसपाव आसा. जाल्यार १ हजार कोटी मेरेनच्यो तीन कबलाती इंडीया पोर्ट रेल हांचे कडेन केल्यात.
गोरेगांव, मुंबय जाल्ल्या इंडीया मॅरीटायम सप्तकांत गोंय सत्रांत एमपीएन ह्या समजीकायेच्या कबालातींची अदला बदल केल्ली. रु. ६१६३ कोटी कबलाती मदल्या ३५०० कोटी रुपयांची कबलात मेअर्स एटलॅन्टीक एन्ड पॅसिफिक एलएनजी हांचे कडेन बंदरांत एलएनजी सुविधा उबारपा खातीर केल्या.
जाल्यार रु. ११०५ कोटींच्यो तीन कबलाती मेअर्स इंडीयन रेल्वे पोर्ट रेल एन्ड रोपवे महामंडळ लि. हांचेकडेन केल्यात. हातूंत नुस्तेंमारी हर्बर, प्रवासी जेटी, कार्गो बर्थ आनी नौदळ तशेंच तटरक्षक दळाक बर्थ बांदपा खातीर रु. १ हजार कोटींचो निवेश, उड्डाण पूल आनी १२ मीटर रस्तो बांदपा खातीर ८० कोटी आनी बर्थ क्र. ३ बांदपा खातीर २५ कोटींचो निवेश करतले.
झुवारी न्हंयेचे तोंड खोलावपा खातीर इंटरनेशनल सिपोर्ट ड्रेजींग प्रा. ली. रु. ५०० कोटी, इपीसी तत्वाचेर बर्थ क्र. ९ उदरगत करपा खातीर मेअर्स गॅमन इंजीनयर्स १ हजार कोटी, बंदर रेल्वे सुविधायेचे देखरेखी खातीर कोंकण रेल्वे महामंडळ ५ कोटी, एलनजी टर्मिनल आनी बेतूल खाडीचो मुळवो अभ्यास करपा खातीर हॅसकोनींग इंडीया कंन्सल्टींग प्रा. ली. १० कोटी, २ मॅगा वॅट ओरीयाना पावर लि. रु. २० कोटी, माक्ना भाडें तत्वाचेर घेवपा खातीर रायट्स ली. दिल्ली रु. ३७.१४ कोटी, एलपीजी साठोवपाची सुविधा उबारपा खातीर सिस्टेरनीना रु. १०० कोटी आनी जेटी बांदपा खातीर मरीनटॅक इंडीया सर्विसेस रु. २५ कोटींचो निवेश करतले.
जाल्यार मुरगांव बंदरांत २ मेगावॉट सौर्य उर्जा प्रकल्प डिजायन करून, तो उबारून, तो चालीक लावपा खातीर राज्य सरकाराच्या गोंय उर्जा उदरगत महामंडळाकडेन (गॅडा) २५ लाखांची कबलात एमपीएन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
