भांगरभूंय | प्रतिनिधी
तंत्रज्ञाना वरवीं रस्तो सुरक्षा, कामगार आनी उद्देजकांच्या संरक्षणाक गती
पणजी: गोंयांत वाडपी येरादारी अपघातांचे फाटभूंंयेर विमा मळार नव्यो आनी सुरळीत उपाय येवजण्यो हाडपी झुनो जनरल इन्शुरन्स हे डिजिटल विमा कंपनीन भारतांतलें पयलें गेमिफायड रोड सेफ्टी ॲप लॉंच केलां. हें ॲप गोंय राज्य पांवड्यावेले विमा समितीचे बसकेंत सादर केलें.
ह्या अभिनव ॲपा वरवीं वाहनचालकांक सुरक्षीत आनी जापसालदार ड्रायव्हिंगा खातीर उर्बा दितले. टेलिमॅटिक्स तंत्रज्ञानाचे मजतीन उत्कृश्ठ ड्रायव्हिंग सवयींचें मुल्यांकन करून वापरकर्त्यांक गुण दितले, ते प्रमाण लीडरबोर्डाचेर रँकिंग करतले. हाचे वरवीं रस्तो सुरक्षा अदीक आकर्शीत, सहभागी आनी मनोरंजक अणभव करपाचो झुनोचा हेतू आसा.
झुनो जनरल इन्शुरन्सान गोंयच्या रस्तो सुरक्षा उपक्रमांत तोखणाय करपा सारकें योगदान दिलां. गोंय येरादारी विभागा वांगडाच भागीदारींतल्यान कंपनीन विमाच्या वाहनांचो आंकडो कांय प्रमाणांत उणो करपाक येस मेळयलें. मे २०२४ तल्या ५.८३ लाखां वेल्यान मे २०२५ वर्सा हो आंकडो ५.६६ लाखां मेरेन देंवला. हो वट्ट ७.६ टक्क्यांनी देंवला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
