भांगरभूंय | प्रतिनिधी
म्हापशें ः बादें, सालवादोर दो मुंद, पर्वरेच्या नीरज लोटलेकार हांच्या घराचेर झाड कोसळ्ळें. हातूंत गॅरेजींत पार्क केल्ले गाडये वांगडा भितर आशिल्ले दुचाकीचें लुकसाण जालें. हे घडणुकेंत तांचें सुमार ४ लाख रुपयांचें लुकसाण जालें.
ही घडणूक आयतारा रातीं सुमार ८.२० वरांचेर घडली. घोग्यांनी पडपी वादळ, पावसाक लागून लोटलेकार हांच्या शेजरा आशिल्लें झाड नेमकें घरा फुडल्यान आशिल्ले गॅरेजीचेर कोसळ्ळें.
लोखंडी गॅरेजीचे पत्रे आनी घराचे फातराचे वणटी पोंदा जीए ०३ व्हाय ४३२० ही मारूती गाडी आनी जीए ०३ एजी ८६०० ही इलेक्ट्रीक चेतक दुचाकी सापडली. तशेंच घराच्या व्हरांड्याचें लुकसाण जालें.
हे घडणुकेची म्हायती मेळटांच पर्वरी उजो पालोवपी दळाचे अधिकारी दामोदर पेडणेंकार हांच्या मार्गदर्शना खाला नारायण मांजी, निलेश गावडे, नेहाल गोवेकार, महादेव नायक, रोहन सावंत आनी सुंदर रावळ ह्या जवानांनी झाड कापून कुशीक केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
