भांगरभूंय | प्रतिनिधी
नवी दिल्ली, खबरां संस्था: दिल्ली विद्यापीठाच्या लक्ष्मीबाई कॉलेजींतले २० वर्सां पिरायेचे विद्यार्थिनीचेर भारत नगर पुलीस स्टेशन वाठारांत तिच्या वळखीच्या तीग जाणांनी तिचेर ऍसीड हल्लो केलो. पुलिसांनी गुन्यांव दाखल करून तपास सुरू केला.
ही घडणूक आयतारा, २६ ऑक्टोबराक घडली. पुलिसांक दिपचंद बंधू हॉस्पिटलांत म्हायती मेळ्ळी, मुकुंदपूरचे एक तरणाटेक ऍसिडान लाशिल्ल्यान गंभीर जखमां सयत दाखल केल्या.
दिल्ली पुलिसांच्या म्हणण्या प्रमाण, २६ ऑक्टोबर २०२५ दिसा दीपचंद बंधू हॉस्पिटलांतल्यान एक फोन आयलो, जातूंत तांकां कळयलें, दिल्लींतल्या मुकुंदपूर हांगचे एक २० वर्सां पिरायेचे चलयेक ऍसिडान लाशिल्ले अवस्थेंत दाखल केल्या. पिडेस्तान सांगलें, तें दुसर्या वर्साचें विद्यार्थिनी आनी अशोक विहार हांगच्या लक्ष्मीबाई कॉलेजींत गेल्लें. कॉलेजींत वतना तिचे वळखीचो जितेंद्र, जो मुकुंदपूर हांगा रावता. तो ताचे इश्ट इशान आनी अरमान हांचे सयत मोटारसायकलीन आयले. इशानान अरमानाक एक बाटली दिली, ते बाटलेंतल्या तांणी तिचेर ऍसीड उडयलें. पिडेस्तान आपलें तोंड लिपोवपाचो यत्न केलो, मात तिचे दोनूय हात लासले.
जितेंद्र तिचो फाटलाव करतालो, म्हयन्या पयलीं वाद जाल्लो
पुलिसांनी सांगलें, आरोपी घडणुके सुवातेवेल्यान पळून गेले. पिडेस्तान सांगलें, जितेंद्र तिचो फाटलाव करतालो आनी सुमार एका म्हयन्या पयलीं तांचे मदीं नेटान वाद जाल्लो. क्रायम टीम आनी एफएसएल टिमीन घडणुके सुवातेची पळोवणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
