भांगरभूंय | प्रतिनिधी
पणजी: कोंकणी भाशेच्या समृद्ध परंपरेचो गौरव वाडोवपी विमला वी. पै विश्व कोंकणी पुरस्कारांची घोशणा हालींच जाली. अंदूंच्या पुरस्कारांत गोंयच्या तीन नामनेच्या व्यक्तीमत्वांक विवीध मळार तांच्या योगदाना विशीं तांचो भोवमान करतले.
अंदूंचो विमला वी. पै विश्व कोंकणी जीवन सिद्धी सन्मान हो प्रतिश्ठेचो सन्मान पुंडलीक नारायण नायक हांकां तांच्या कोंकणी साहित्य, नाट्य आनी सांस्कृतीक मळार मोलादीक योगदान दिल्ले खातीर जाहीर केला.
जाल्यार विमला वी. पै विश्व कोंकणी साहित्य कृती पुरस्कार साहित्यकार भालचंद्र गांवकार हांकां तांच्या साहित्यीक कृतींतल्या वैचारीक खोली आनी भाशीक सौंदर्य हे खातीर भेटयतले.
तशेंच विमला वी. पै विश्व कोंकणी कविता कृती पुरस्कार कोंकणी कवितेच्या मळार उत्कृश्ठ योगदाना खातीर मानेस्त शशिकांत पुनाजी हांकां अंदूंचो सन्मान जाहीर जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
