भांगरभूंय | प्रतिनिधी
राज्य प्रदुशण नियंत्रण मंडळाची उपाय येवजण
पणजी : राज्यांत वेवसाय करपाची वेवस्था वाडोवपा खातीर गोंय राज्य प्रदुशण नियंत्रण मंडळान (जीएसपीसीबी) नियंत्रणमुक्त (Goa State Pollution control Board) उपाय येवजण करपाचें हातांत घेतलां. केंद्र सरकाराच्या नियंत्रणमुक्ती आयोगांचे निर्देश पाळून हें पावल उबारलां. उद्देगां खातीर प्रक्रिया सुरळीत करप आनी वन विंडो मंजुरी सुरळीत करप हो ताचो हेतू.
जीएसपीसीबीने सुक्ष्म, लघु आनी मध्यम उद्देगांचेर विशेश लक्ष केंद्रीत करून विशिश्ट अनुपालन टप्पे निश्चीत केल्यात. हाका लागून कामकाज सुरळीत जातलें आनी नियामक भार उणो जातलो.
जीएसपीसीबीन जाहीर केल्ल्या मुखेल उपक्रमांतले मुद्दे
उणी तपासणी: मंडळ अनिवार्य तपासणी उणी करतलें, हाक लागून वेवसायांक अदीक कार्यात्मक स्वातंत्र्य मेळटलें.
संमतीं खातीर एकसमान वैधता: एमएसएमईस खातीर स्थापने खातीरसंमती आणि ऑपरेट करपाक संमती प्रमाणपत्रां खातीर एकसमान वैधता काळ लागू करतले.
स्वयंचलीत नूतनीकरण प्रणाली: संमतीं खातीर एक स्वयं-नूतनीकरण प्रक्रिया स्वीकारतले, हाका लागून कळाव आनी कागदपत्रांचेर कांय प्रमाणांत उणाव जावपाची अपेक्षा आसा.
श्रेणीबद्ध शुल्क रचना: एमएसएमई जेन्ना संमती खातीर अर्ज करतले तेन्ना तांचे खातीर एक श्रेणीबद्ध शुल्क रचणूक सुरू करतले, जाका लागून ल्हान वेवसायांक अर्थीक थाकाय मेळटली.
स्व-प्रमाणीकरण: एमएसएमई आतां कांय मंजुरीं खातीर स्वयं-प्रमाणीत करपाक शकतलें, जाका लागून बोर्डाचो सरळ हस्तक्षेप उणो जातलो.
तृतीय-पक्ष तपासणी: एमएसएमईं खातीर तपासणी आनी पुर्व-तपासणी चेकलिस्ट करपाक बोर्ड तृतीय-पक्ष एजन्सींक वाटेकार करून घेवपाची येवजण राबयता. नियामक देखरेख राखपा खातीर आनी अनुपालन सुनिश्चीत करपा खातीर, देखरेख ऑडीट करतले.
नियमनमुक्ती ही केंद्र सरकाराचे देशव्यापी वेवसाय सुरळीत करपाच्या यत्नांक प्रतिसाद दिता आनी गोंय सरकाचो वेवसाय सुधारणा कृती येवजण (BRAP), 2024 बद्दलच्या अधिसुचवणी पाळटा. ह्यो सुधारणा एमएसएमईंक समर्थन दिवपा खातीर राष्ट्रीय यत्नां कडेन सुसंगत आसात, एक क्षेत्र जें जायते फावटी खर नियामक गरजे कडेन झुंजता.
गोवा चेंबर ऑफ कॉमर्स अँड इंडस्ट्री (GCCI)न ह्या उपक्रमांक येवकार दिला. कितल्याशाच काळा सावन प्रक्रिया सोपी करची, ही तांची मागणी आशिल्ली. जीसीसीआयन हेर सरकारी विभागांक जीएसपीसीबीचें उदाहरण अनुसरण करपाचें आवाहन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
