भांगरभूंय | प्रतिनिधी
म्हापशें : गोंय दर्यादेग विभाग वेवस्थापन अधिकारिणीन (Goa Coastal Zone Management Authority) सागरी किनारपट्टी नेम (CRZ) पाळूंक नाशिल्ल्यान शिवोलेचीं 12 बांदकामां मोडपाचे आदेश दिले. तातूंत जायतीं घरां, कंपावंड वॉल हांचो आसपाव आसा.
महसूल विभागाच्या अधिकार्यां कडेन समन्वय सादून जीसीझेडएमएन केल्ले सविस्तर चवकशे उपरांत ही कारवाय केली. चवकशेंत अशें दिसून आयलें, सगलीं 12 बांदकामां शिवोलेच्या ‘भायलो उदो’ हांगा चापोरा न्हंये देगेर आशिल्ल्या सर्व्हे नंबर 119/1 वेल्या ‘नो-डेव्हलपमेंट झोन’त बेकायदेशीरपणान बांदिल्लीं. सागरी किनारपट्टी प्राधिकरणान तपाशिल्ल्या 16 प्रकरणां मदल्या, 1991 पयलीं फकत चार बांदकामां अस्तित्वांत आशिल्ल्याचें दिसून आयलें. तांच्या धनयांनी तांचे दावे सिद्ध करपा खातीर कागदोपत्री पुरावे दिले. मात, उरिल्ले 12 जाण बांधकामांची कागदपत्रां दिवन कायदेशीरपणान सिद्ध करपाक अपेशी थारले. उरिल्ल्या 12 जाणांक तांच्या बांधकामांची कायदेशीरपणान सिद्ध करपाक अपेशी थारले.
जीसीझेडएमएन नमूद केलें, नेम मोडपी 1991 पयलीं तांचीं घरां अस्तित्वांत आशिल्लीं हें सिद्ध करपाक अपेशी थारले. कोस्टल रेग्युलेशन झोन (CRZ) अधिसुचवणे प्रमाण तांणी तें सिद्ध करप गरजेचें. ‘प्रतिवादींनी सादर केल्ल्या कागदपत्रां वेल्यान हें सिद्ध जायना, घर 1991 आदीं अस्तित्वांत आशिल्लें. सर्वेक्षण येवजण आनी फॉर्म 1 आनी 14 त अश्यो कसल्योच संरचना प्रतिबिंबीत जायना. जाका लागून बांदकामां बेकायदेशीर आसात आनी उडोवपाक पात्र आशिल्ल्याची पुष्टी जाल्ल्याचें आदेशांत म्हणलां.
हे विशीं जीसीझेडएमए कडेन थळावे आलेक्स परेरा हांणी दाखल केल्ले कागाळी उपरांत 2019 वर्सा बेकायदेशीर बांधकामांची चवकशी सुरू केल्ली. कागाळेच्या आदारार उत्तर गोंयांत अतिरिक्त जिल्लोधिकाऱ्यान चवकशी सुरू केली आनी सर्वेक्षण नंबर 119/1 तल्या अतिक्रमणांची वळेरी जोडली. उपरांत सगल्या सांगिल्ल्या नेम मोडप्यांक कारणां दाखयात नोटीस धाडली आनी प्राधिकरणा मुखार सुनावणी घेतली. उपरांत खुबश्या धनयांनी 1991 आदल्या इमारतींच्या मालकेचो वा अस्तित्वाचो दावो करपी कागदपत्रां सादर केलीं. मात, अधिकारिणीक कागदपत्रां बोगस आनी विसंगत आशिल्ल्याचें समजलें. तांणी असो निर्णय दिलो, बांधकाम सीआरझेड नेम मोडटात आनी सरकारी जमनीचेर अतिक्रमण करतात. कागाळदाराच्या मतान खुबशीं बांदकामां हेर घरांचीं आशिल्लीं. बांदकाम केल्ले कडेन आदींच हेरां कडेन निवासी मालमत्ता जाल्ल्यो आनी जांच्यो दर्यादेगेर मालमत्ता आशिल्ल्यो आनी जांची दर्यादेगेवेली मालमत्ता वेवसायीक हेतूं खातीर वापरपाचो उद्देश आशिल्लो. अधिकारिणीन नेम मोडून केल्लीं बांदकामां केल्ल्यांक स्वताच्या खर्चान उडोवपाचे आदेश दिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
