भांगरभूंय | प्रतिनिधी
वास्को: लोंडा जंक्शन ते कुळें रेल्वे स्टेशना मजगतीं एका प्रवाशाची हँडबॅग चोरली. तातूंत 20.6 लाख रुपयांच्यो भांगरा वस्ती आनी हेर मोलादीक सामान आशिल्लें. वास्को कोंकण रेल्वे पुलिसांनी हाचे आड अनवळख्या आड गुन्यांव नोंद केला.
हे विशीं चड म्हायती प्रमाण, एका मनशान कोंकण रेल्वे पुलिसांकडेन केल्ले कागाळेंत आपली हँडबॅग चोरिल्ल्याचें म्हणिल्लें. तातूंत आपले बायलेच्यो भांगरा वस्ती आनी हेर मोलादीक सामान आशिल्ल्याचें म्हणलां. ह्या प्रकरणांत वास्को कोंकण रेल्वे पुलिसांनी अनवळखी आड गुन्यांव नोंद केला. पुलिसांनी सीसीटीव्ही फुटेज तपासणी सुरू केल्या आनी प्रवाशां कडल्यान म्हायती घेतल्या. तशेंच कोणाक हें विशीं खबर आसल्यार पुलिसांक कळोवचें असो उलोय पुलिसांनी मारला. हे विशीं पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
