भांगरभूंय | प्रतिनिधी
प्रतिनिधी । भांगरभूंय
पणजीः गांयांत फाटल्या 15 दिसांत 53.22 टक्के रेशन कार्ड लावार्थ्यांनी तांदळाचो जाल्यार 19.97 टक्के लावर्थ्यांनी गंवाचो लाव घेतला. सोसायटींनी सुमार 2795 हजार टन चड तांदूळ आनी गंव खपयल्यात. हातूंत तांदूळ 2326 टन जाल्यार गंवाचो 469 टन इतलो आस्पाव आसा. ही म्हायती नागरी पुरवण आनी गिरायक वेवहार खात्याच्या वरिश्ठ अधिकाऱ्यान दिली.
1 ते 15 ऑक्टोबर मेरेन गोंयांतल्या 2.62 लाख रेशन कार्डा मदल्या 1.56 लाख लावर्थ्यांनी आपल्या रेशन कार्डाचो वापर करून सोसायटींनी तांदूळ घेतल्यात. जाल्यार 58,726 लावार्थ्यांनी गंव घेतलां. तांदूळ घेवपा खातीर उत्तर गोंयात 1.20 लाख कार्डा मदल्या 71,036 कार्डांचो वापर जावन 1218 टन आनी दक्षीण गोंयात 1.42 लाख कार्डा मदल्या 85,227 लाख कार्डांचो वापर जावन 1380 टन इतले तांदूळ घेतल्यांत. गंव घेवपा खातीर उत्तर गोंयात 1.21 लाख कार्डा मदल्या 25,861 कार्डांचो वापर जावन 230 टन आनी दक्षीण गोंयात 1.42 लाख कार्डा मदल्या 32,865 कार्डांचो वापर जावन 294 टन इतले गव लावार्थ्यांनी व्हेलां.
तांदूळ घेवपा खातीर अंत्योदय अन्न येवजणच्या (एएवाय) 75.40 टक्के कार्ड धारकांनी, प्रायोरीटी हावस होल्ड (पीएचएच) 70.73 टक्के कार्ड धारक आनी गरीबी रेखे वयल्या (एपीएल) 49.15 टक्के कार्ड धारकांनी लाव घेतला. जाल्यार गंव घेवपा खातीर अंत्योदय अन्न येवजणच्या (एएवाय) आनी प्रायोरीटी हावस होल्ड (पीएचएच) 0 टक्के कार्ड धारकांनी आनी गरीबी रेशे वयल्या (एपीएल) 42 टक्के कार्ड धारकांनी लाव घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
