भांगरभूंय | प्रतिनिधी
पणजीः राज्य खेळां आनी युवा वेव्हार संचालनालयान 31 ऑक्टोबराक ‘राष्ट्रीय एकता दिसा’ निमतान ‘युनिटी रन’ आयोजीत केल्या. ही रन वट्ट पांच गटांनी जातली आनी सकाळीं 7 वरांचेर सुरू जातली.
० 10 वर्सां वयर आनी 14 वर्सां सकयल (चले आनी चलयो), 3 किमी रन, पणजी इंडोर स्टेडियम कांपाल ते सायन्स सेंटर मीरामार आनी परत.
० 14 वर्सां वयर आनी 18 वर्सां सकयल (चले आनी चलयो) 5 किमी रन, इंडोर स्टेडियम कांपाल ते करंजाळे पेट्रोल पंप आनी परत.
० दिव्यांग, 2 किमी रन, इंडोर स्टेडियम कांपाल ते दोनापावला सर्कल आनी परत.
० ज्येश्ठ नागरिक, 60 वर्सां आनी वयर, 5 किमी रन, इंडोर स्टेडियम कांपाल ते करंजाळे पेट्रोल पंप आनी परत.
वांटो घेवप्यांनी 31 ऑक्टोबराक सकाळीं पणजेच्या कांपालच्या मल्टीपर्पज इंडोर स्टेडियम लागसार पावपाक जाय. हांगा टीशर्ट दितले. नोंदणी करपा खातीर ‘युनिटी रन’ हो गूगल अर्ज भरुन प्रवेश घेवचो. अर्ज भरपाची निमाणी तारीख 22 ऑक्टोबर. चड म्हायती खातीर सहाय्यक शारिरीक शिक्षण अधिकारी राजू पवार हांकां 8408091069 ह्या नंबराचेर संपर्क सादचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
