भांगरभूंय | प्रतिनिधी
पणजीः थिये नवो गृहनिर्माण प्रकल्प प्रस्तावीत जाला. हे सुवातेर सुमार 7 कोटी रुपया खर्चून वन बिएचके फ्लॅट्स येवपाचे आसात. हो प्रकल्प बांदपा खातीर गोंय गृहनिर्माण मंडळान निविदा मागयल्यात.
गोंय गृहनिर्माण मंडळाचे माडेल थिवी सेक्टर डींत हो प्रकल्प येवपाचो आसा. ह्या प्रकल्पांत 24सिंगल बेडरूम फ्लॅट, रस्ते आनी दुरीग बांधकाम, घाणयारे उदकाचो प्रकल्प आनी ट्रान्सफोर्मर सुविधेचो आस्पाव आसा. ह्यो सगळ्यो सुविधा उबारपाक सुमार 7.73 कोटी खर्च अपेक्षीत आसा.
हो प्रकल्प उबारपा खातीर मंडळान इत्सुक कंत्राटदाराकडल्यान निविदा मागयल्यात. ओनलयान निविदा सादर करपा खातीर 06 नोव्हेंबर 2025 ही निमणी तारीख आसा. 7नोव्हेंबर 2025सात दनपरां 3.30 वरांचेर परवरे मंडळाचे सहाय्यक अभियंत्याचे कचेरेंत निविदा उक्ती जातली.
हे खातीर कंत्राटदाराक रु. 15.47 सुरक्षा ठेव भरची पडटली. जाल्यार अर्जाचे फोर्मा खातीर रु. 23,600 आनी प्रक्रीया शुल्क म्हण रु. 6 हजार भरचे पडटले आनी हे शुल्क परत मेळचे नात, अशी कळोवणी गृह निर्माण मंडळान काडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
