भांगरभूंय | प्रतिनिधी
101 अर्जांतले 7 अर्ज उपविभागीय समिती कडेन धाडले
पणजीः उत्तर गोंयांतले प्रलंबीत आशिल्ले रानां हक्कांचे दावे निकालांत काडपा खातीर जिल्होधिकारी दर सप्तकांत बसका घेता. बसकेंत साट्रें- सत्तरींतल्या 94 रानां हक्कांच्या दाव्यांक मान्यताय दिल्या. जिल्लोधिकारी पांवड्यावयल्या बसकेंत 101 अर्जांचेर चर्चा जाली. तातूंतले 7 अर्ज उपविभागीय समिती कडेन धाडले.
उत्तर गोंय जिल्होधिकारी अंकित यादव हांणी ही म्हायती दिली. जिल्हो समिती कडेन येवपी अर्ज बसका घेवन बेगीन निकालांत काडटात. अर्जांत कसलीय चूक आसल्यार वा औपचारिकताय पुराय जावंक ना जाल्यार ते परतून उपविभाग समिती कडेन धाडटात. डिसेंबर मेरेन प्रलंबीत आशिल्ले रानां हक्कांचे दावे निकालांत काडपाचे लक्ष्य सरकारान थारायलां. हें लक्ष्य पुराय करपाचे दिकेन काम चालू आसा अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
