भांगरभूंय | प्रतिनिधी
नवी दिल्ली, खबरां संस्था : केंद्र सरकाराच्या फूड सेफ्टी अँड स्टँडर्ड्स अथॉरिटी ऑफ इंडियान (एफएसएसएआय) म्हणलां, जर खंयच्याय जेवण वा पिवपाच्या उत्पादनाच्या फॉर्म्युलाक संवसारीक भलायकी संघटणेन (डब्ल्यूएओ) मान्यताय दिवंक ना, जाल्यार कंपनी ताचेर ओरल रिहायड्रेशन सॉल्ट्स (ओसीआर) आशिल्ल्याचें लेबल लावपाक शकना. सगल्या कंपन्यांक तांच्या उत्पादनांतल्यान जठड लेबल काडून उडोवपाचे निर्देशूय दिल्यात.
केंद्र सरकाराच्या 2022 आनी 2024 च्या आदेशांक लागून कंपन्यांक तांच्या उत्पादनांत ओसीआर हो शब्द उपसर्ग (सुरवातेक) वा प्रत्यय (निमाणें) म्हणून जोडपाची परवानगी मेळ्ळी. उपरांत, कांय फळां, पेय नॉन- कार्बोनेटेड वा रेडी- टू- ड्रिंक पेय हांकां ओसीआरअशें लेबल लायले. तशेंच, ताचे उपरांत अशी अट घातली, उत्पादनांत स्पश्टपणान नमूद करपाक जाय, ते डब्ल्यूएओ-शिफारस केल्ल्या ओसीआर सुत्राची पूर्तता करिनात. आतां, ‘एफएसएसएआय’न हे फाटले आदेश पुरायेन रद्द केल्यात.
सरकारान म्हणलां, हाका लागून बनावट ओआरएस उत्पादनांक आळो बसतलो आनी गिरायकांक खरें, सुरक्षीत आनी डब्ल्यूएचओ-मानक ओआरएस उत्पादनां मेळटलीं हाची खात्री जातली. हाका लागून भलायकी सुरक्षा घटमूट जावपाक मजत जातली.
दोतोरांनी निर्णयाक येवकार दिलो
बालरोगतज्ज्ञ डॉ. शिवरंजनी संतोष हांणी सोशल मिडियाचेर सरकाराच्या ह्या पावलाची तोखणाय केली. तांणी म्हणलें, आतां खंयचीय कंपनी डब्ल्यूएओ न शिफारस केल्ल्या सुत्रां बगर ओसीआर हें नांव वापरपाक शकचे ना. हो आदेश रोखडोच लागू जातलो. डॉ. संतोष फाटल्या कांय काळा पसून चुकीचो लेबल आशिल्लो ओआरएस ब्रँड्सा आड मोहीम राबयतात. ह्या निर्णयांत तांकां फाटबळ दिवपी सगले पालक, डॉक्टर, पत्रकार आनी शिक्षकांचे तांणी उपकार मानले.
29 जुलयाक संवसारीक ओआरएस दीस मनयतात. ह्या निमतान आयच्या बातम्यांनी आमी ओआरएस म्हणल्यार कितें, तें कशें आनी कितल्या प्रमाणांत पिवचें आनी तें घरा कशें करचें हें जाणून घेवया.
ओआरएस म्हणल्यार कितें?
युनिसेफच्या मतान, ओआरएस ही साखर आनी मीठ हांचें संतुलीत मिश्रण आशिल्लें. द्रावण आसा. त्या नितळ उदकांत विरघळून पियेल्ल्यान शरीराची उदकाची गरज पुराय आशिल्लें. अतिसार, ओंकारी वा उश्णतायेचो सारकिल्ले परिस्थितींत निर्जलीकरण आडावपा खातीर हें वखद सगल्यांत प्रभावी मार्ग आसा. दोतोरांच्या मतान, ओआरएस फकत दोतोरांच्या सल्ल्यानूच वापरचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
