भांगरभूंय | प्रतिनिधी
पणजी : गोंयांतली वखदी वनस्पत आनी झाडांक आयरीश लोकांची पसंती आसा. गोंयच्या चडश्या वखदी झाडांची आनी वनस्पतींची आयरलॅण्ड देशांत निर्गत जाल्या. फक्त 3 टक्के निर्गत यूएई देशांत जाल्या, अशी म्हायती अशी म्हायती शेतकी आनी प्रसंस्कृत उत्पन्न निर्गत उदरगत प्राधिकरण (एपीडा) हांणी दिल्या.
एपीडा हांणी जारी केल्ले आंकडेवारी प्रमाण अंदूंचें अर्थीक वर्स 2025-26 त एप्रील ते जुलय ह्या चार म्हयन्यांच्या काळांत गोंयांतल्यान 8.93 मॅट्रीक टन वखदी झाडां पाल्याची भायल्या देशांत निर्गत जावन 9 लाख यूएस डॉलर म्हणल्यार 75 लाख रुपयांचें मोल फावो जालां.
चडशी वखदी झाडां- पाल्यांची निर्गत ही आयरलॅण्ड देशांत जाल्या. 8.65 मॅट्रीक टन इतली निर्गत जावन 75 लाख रुपयांचें मोल आयलां. जाल्यार तातूंतलो बारीकसो भाग 280 कील हो यूएईंत निर्गत जाला. फक्त एप्रील आनी मे म्हयन्यांतूच ही वखदी झाडा- पाल्यांची निर्गत जाल्या. सगल्यांत चड निर्गत एप्रीलांत जावन खूब उणी निर्गत मे म्हयन्यांत जाल्या. एप्रीलांत 8.70 मॅट्रीक टन निर्गत जाल्ली आनी मे म्हयन्यांत 230 कील इतली निर्गत जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
