भांगरभूंय | प्रतिनिधी
पेडणें: मोपाच्या मनोहर आंतरराष्ट्रीय विमानतळार पार्किंग शुल्कांत जाल्ली वाड उणी करपा विशीं चर्चा करपा खातीर मांद्रें मतदारसंघांतल्या टॅक्सी ऑपरेटर्सांनी आमदार जीत आरोलकार हांची मांदर्यां बसका जाली.
ह्या वेळार मोपा विमानतळार तशेंच हेर टॅक्सी वेवसायिकांनी टॅक्सी वेवसाया विशीं तांकां भेकडावपी विवीध समस्या आमदार जीत आरोलकार हांचे कडेन मांडल्यो. मोपा विमानतळार सेगीत पार्कींग शुल्क वाडयिल्ले खातीर टॅक्सी वेवसायिकांक त्रास जातले, तशेंच हे सुवातेर वेवसाय करतना जाणवपी समस्या हे विशीं टॅक्सी वेवसायकांनी आमदार जीत आरोलकार हांचे मुखार समस्या मांडल्यो.
ह्या वेळार टॅक्सी वेवसायिकां वतीन तांकां निवेदन सादर करून वाडयिल्लें शुल्क तशेंच हेर समस्या उण्यो करपा विशीं मागणी केली.
ह्या वेळार आमदार जीत आरोलकार हांणी थळाव्या टॅक्सी वेवसायिकांच्या कायदेशीर हितांची राखण करचे खातीर योग्य उपाय काडचे खातीर आपूण मुख्यमंत्री डॉ. प्रमोद सावंत हांचे कडेन हो विशय हाजीर करून तांचे कडेन हे विशीं चर्चा करतां, अशें आस्वासन जीत आरोलकार हांणी टॅक्सीकारांक दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
