भांगरभूंय | प्रतिनिधी
मुख्यमंत्री : नुतनीकरण केल्ल्या हनुमान नाटकघराचें उक्तावण
भांगरभूंय । प्रतिनिधी
म्हापशें : म्हापशें शारांत जमीन नाशिल्ल्यान रवींद्र भवन उबें जावंक ना. गरजेची जमीन मेळसर फुडलीं दोन वर्सां तरी म्हापशेंकारांक रवींद्र भवनाची वाट पळोवची पडटली, अशें मुख्यमंत्री डॉ. प्रमोद सावंत हांणी सांगलें.
म्हापशेंच्या श्री महारुद्र संस्थानाच्या नुतनीकरण केल्ल्या हनुमान नाटकघराचें उक्तावण केले उपरांत मुख्यमंत्री उलयताले. ह्या वेळार नगराध्यक्ष प्रिया मिशाळ, खासदार सदानंद शेट तानावडे, उपसभापती ज्योशुआ डिसोझा, देवस्थानचे अध्यक्ष गोविंद शिरोडकार, सचीव जयेश केणी, भांडारी जगदीश म्हापसेकार, मुखत्यार नितीन नेवगी, जयंत सिरसाट, अवधूत कवळेंकार आनी पुष्पव नाटेकार उपस्थीत आशिल्ले.
मुख्यमंत्र्यान सांगलें, सांस्कृतीक संस्था आनी थळांक उर्बा दिवचे खातीर सरकार सगले तरेची मजत करतलें. एकदी संस्था स्वताच्या संसाधनांतल्यान पुनरुड्डिवीत करप ही गोंयची सांस्कृतीक वळख आसा. ही वळख सांबाळपाचें बऱ्यांतली बरी देख म्हणल्यार महारुद्र संस्थानाचे हें हनुमान नाटकघर आसा, अशें तांणी सांगलें. ह्या वेळार उपसभापती ज्योशुआ डिसोझा, खासदार सदानंद शेट तानावडे हांणी आपले विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
