भांगरभूंय | प्रतिनिधी
मडगांव : आकें, मडगांवां आकार हॅबिटाट हे इमारतींतल्या फ्लॅटाक उजो लागपाची घडणूक मंगळारा रातीं घडली. सुमार एका लाखांचें लुकसाण जालें. मडगांव उजो पालोवपी दळान 20 लाखांची मालमत्ता वाटयली.
दळा वतीन मेळिल्ले म्हायती प्रमाण, दळाक मंगळारा रातीं पावणे बारा वरांचेर उजो लागिल्ल्याचो फोन आयलो. फ्लॅटांतल्या एसी युनिटाक उजो लागिल्लो. शॉर्टसर्किटाक लागून ही घडणूक घडिल्ल्याचो अदमास आसा.
उज्यांत फ्लॅटांतले फॅन, कदेलां, इलेक्ट्रीक वायरिंग आनी हेर गजाली लासल्यो. हातूंत घरांतल्यो वणटीय तापिल्ल्यान तांचो रंगूय गेलो. दळान उज्याचेर नियंत्रण हाडून आशिकुशीची तपासणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
