भांगरभूंय | प्रतिनिधी
गोंय क्रिकेट संघटणेन (जीसीए) 2025-26च्या हंगामा खातीर वरिश्ठ रणजी पंगडाची आनी 23 वर्सां पिराये सकयल्या दादल्यांच्या पंगडाची घोशणा केली.
प्लेट गटांतल्यान एलीट गटांत पुनरागमन करपी रणजी पंगडाचें फुडारपण स्नेहल कवठणकार करतलो. जाल्यार 23 वर्सां पिराये सकयल्या पंगडाचें मुखेलपद आर्यन नार्वेंकार सांबाळटलो.
फाटल्या हंगामांत प्लेट गटांत आपलो शेक दवरपी गोंय पंगडा मुखार अंदूं एलीट गटांत बळिश्ट पंगडांचें व्हड आव्हान आसतलें. गोंय पंगडाक सौराष्ट्र, कर्नाटक आनी महाराष्ट्र ह्या सारक्या बळिश्ट पंगडांक तोंड दिवचें पडटलें.
गोंय पंगड रणजी करंड सर्तींतली पयली मॅच चंदीगडा आड 15 ते 18 ऑक्टोबर मजगतीं, पर्वरीच्या जीसीए मैदानाचेर खेळटलो. हंगामा खातीर स्नेहल कवठणकाराक मुखेली केला आसलो तरी, पयले मॅचींत दीपराज गांवकार मुखेलपद सांबाळटलो.
चंदीगडा आडचे मॅची खातीरचो पंगडः दीपराज गांवकार (मुखेली), ललित यादव (उप मुखेली), सुयश प्रभुदेसाय, मंथन खुटकार, दर्शन मिसाळ, मोहित रेडकार, समर दुभाषी, हेरंब परब, विकास सिंग, विजेश प्रभुदेसाय, ईशान गडेकार, कश्यप बखले, राजशेखर हरिकांत, अर्जुन तेंडुलकर आनी अभिनव तेजराणा.
मजगतीं, कर्नल सी के नायडू ट्रॉफी खातीर 23 वर्सां पिराये सकयल्या पंगडाची घोशणा केली. सर्त झारखंडांत 16 ते 19 ऑक्टोबर मेरेन चलतली.
पंगड असोः आर्यन नार्वेंकार (मुखेली), लकमेश पावणे, शिवेंद्र भुजबळ, रुद्रेश शर्मा, आयुष वेर्लेकार, चिट्टेम देवकुमार, विनायक कुंटे, कौस्तुभ पिंगुळकर, दीप कसवणकर, पुंडलिक नायक, चिट्टेम जीवनकुमार, अमन धूपर, बन्सिल जे. पांड्या, वीर यादव, अनुज यादव आनी नित्य शेणवी कुंकळ्येकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
