भांगरभूंय | प्रतिनिधी
भांगरभूंय । प्रतिनिधी
वास्कोः दाबोळी वाठारांत रावपी प्रदीप भूवड (40) हांका पीटर पॉल एनक्लेव इमारतीचे तिसरे माळे वयल्यान पडून मरण आयलें. तो अपघातात सकल पडलो काय ताणे आत्महत्या केली हें अजून स्पश्ट जालें ना. मात पुलिसाक ही आतमहत्या असो दुबाव आसा.
भूवड हो फाटल्या दोन वर्सां सावन तिसरे माळे वयल्या फ्लॅटांत एकलोच रावतालो. इमारतीची धनी आशिल्ली ताची भयण दुबय आसा. भूवड पयली नवें वाडें गणपती देवळा कडेन रावतालो. दोन वर्सां आदी तो इमारतींत रावपाक आयिल्लो. तो बांबोळी हांगच्या एका हॉटेलांत काम करतालो अशी म्हायती थळाव्या लोकांनी दिली.
पुलिसानी कूड पोस्टमॉर्टेमा खातीर जीएमसीत धाडल्या. अहवाल आयल्या उपरांत मरणाचें कारण कळपाक शकतलें. वासको पुलीस उपनिरीक्षक गणेश मातोंडकार चवकशी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
