भांगरभूंय | प्रतिनिधी
– 11 ऑक्टोबर ते 2 नोव्हेंबर मेरेन टप्प्या टप्प्यान येरादारी बंदगोंयांतल्या म्हत्वाच्या बोरी पुलाचें दुरुस्तीचें काम निमाणे सुरू जालां. ह्या कामा खातीर 11 ऑक्टोबर ते 2 नोव्हेंबर 2025 मेरेन टप्प्या टप्प्यान ह्या पूलाचेर येरादारी बंद करपाचो निर्णय प्रशासनान घेतला. नागरिकांची गैरसोय जावची न्हय म्हूण अधिकाऱ्यांनी दुरुस्ती कामाची वेळ आनी टप्पे थारायल्यात.
रातच्या वेळार येरादारी बंद आसतली
दुरुस्तीचें काम बेगीन पुराय जावचें हे खातीर ह्या तारखेर पुलाचेर येरादारी पुरायपणान बंद करतले.11 आनी 12 ऑक्टोबर: रातच्या 8 ते सकाळीं 8 मेरेन.18 आनी 19 ऑक्टोबर: रातच्या 10 ते सकाळीं 6 मेरेन.25 आनी 26 ऑक्टोबर: रातच्या 8 ते सकाळीं 8 मेरेन.1 आनी 2 नोव्हेंबर: रातच्या 10 ते सकाळीं 6 मेरेन.पुराय दुरुस्ती काळांत जड वाहनांक पुलाचेर येरादारी करपाक परवानगी ना. गरजेच्या येरादारी खातीर मर्यादीत प्रवेश दवरून दुरुस्तीचें काम सुरळीत पुराय जावप हो ह्या टप्प्या टप्प्यान काम करपाचो हेतू आसा. गाडयाकारांक जावपी त्रास उणो करपा खातीर पर्यायी मार्ग वापरचो आनी येरादारी पुलीसांनी दिल्ल्या सुचोवण्यांक पाळो दिवचो उलो प्रशासनान केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
