भांगरभूंय | प्रतिनिधी
पणजी: गोवा मायल्स अॅपा वरवीं जे टॅक्सी वेवसाय करतात त्या सगल्या टॅक्सी ड्रायव्हरांक 60 वर्सां उपरांत गोवा मायल्सा वतीन पेन्शन दितले अशें गोवा मायल्साचे सीईओ हेमंत प्रभू चोडणकार हांणी सांगलें.
गोंयचे टॅक्सी ड्रायव्हर दीस रात काम करून लेगीत तांच्या मनांत एकूच विचार आसता की पिरायेचीं 60 वर्सां हुपले उपरांत कितें? गोंयच्या थळाव्या टॅक्सी ड्रायव्हरांचो विचार करून गोवा मायल्सान ही पेन्शन येवजण सुरू केल्या. ही येवजण सुरू करपी गोंय हें देशांतलें पयलें राज्य थारतलें.
तशेंच गोवा मायल्सा वतीन नवो अॅप तयार केला. ह्या अॅपा वरवीं दरेक हॉटेला भायर उबे आशिल्ल्या टॅक्सी ड्रायव्हरांक आपलो नंबर कळटलो. तशेंच ह्या अॅपा वरवीं दरेकाक समान भाडें मेळपाची शक्यताय आसतली. कितल्या वेळा उपरांत आपल्याक भाडें मेळटलें हें लेगीत ह्या अॅपा वरवीं टॅक्सी ड्रायव्हरांक कळटलें. ताका लागून ताका दीसभर भाड्या खातीर रावचें पडचें ना.
तशेंच एखाद्या टॅक्सी चालकाक पयसुल्ल्या सुवाता वेल्यान परतीचें भाडें मेळ्ळें ना जाल्यार ताका परतीच्या भाड्याचो खर्चूय दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
