भांगरभूंय | प्रतिनिधी
पणजी: जीएमआर गोवा एअर कार्गो लॉजिस्टिकान नॅशनल सेंटर फॉर पोलर अँड ओशन रिसर्च (NCPOR), वास्को हांच्या अंटार्क्टिका संशोधन मोहिमे खातीर पयलेच फावट एक्सपेडिशन नॉन-शेड्युल्ड कार्गो चार्टर येसस्वीपणान सांबाळ्ळें.
ताचें संचालन जीएमआर गोवा इंटरनॅशनल एअरपोर्ट लिमिटेड (GGIAL) करता. हांगच्यान IL-76 (गजराज) ह्या व्हड सोव्हिएत-डिझाइन केल्ल्या चार इंजिनांच्या विमानान अंटार्क्टिका खातीरचें गरजेचें सामान गेलें. ह्या उड्डाणांत वखदां, जेवण-खाण आनी हेर गरजेचें सामान केपटावन (दक्षीण आफ्रिका) मार्गांत अंटार्क्टिकाक पावयतात.
पयलेच फावट मोपा विमानतळावेल्यान उड्डाण केलां. हें विमान जड माल व्हरपाचे तांकी खातीर फामाद आसा, तें दुर्गम भागांत माल, वाहनां आनी कर्मचारी पावोवपाक वापरतात. फाटलीं दोन वर्सां GGACLन विमानतळावेल्यान तीन विशेश कार्गो चार्टर येसस्वीपणान सांबाळ्ळ्यांत. संवसारीक दर्याची मुळावी सुविधा आनी विशेश कार्गो हाताळणीची तांक हाका लागून GGACL ही म्हात्वाच्या आनी विशेश कार्गो उड्डाणां खातीर निवड थारता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
