भांगरभूंय | प्रतिनिधी
म्हापशें: कळंगूटे डॉल्फीन सर्कला कुशीक पुलिसांनी धाड घालून एक लाख 40 हजारांचो एक कील 403.3 ग्राम गांजो जप्त केलो. ह्या प्रकरणांत पुलिसांनी खुरैजाम जयतसिंग सनायैमा (29, रा. मणिपूर) हाका अटक केली.
ही कारवाय पुलिसांनी बुधवारा 1 वेर रातीं 11.15 वरांच्या सुमाराक केली. घडणूक थळार घुंवळे वखदांचो वेव्हार जावपाची आसा अशी म्हायती खात्रेच्या गोपां कडल्यान मेळिल्ली. ते प्रमाण पुलीस निरिक्षक परेश नायक हांच्या मार्गदर्शना खाला उपनिरिक्षक प्रजीत मांद्रेंकार आनी वांगडी पंगडान दुबाविताक धरलो.
झडटे वेळार दुबाविता कडेन वयलो गांजो सांपडलो. पुलिसांनी हो गांजो जप्त करून दुबाविताक घुंवळे वखदां प्रतिबंधक कायद्या खाला गुन्यांव नोंद करून अटक केली. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
