भांगरभूंय | प्रतिनिधी
कर्मचारी भरती आयोगा वतीन एलडीसींच्या खात्यांची वळेरी जाहीर
पणजी : कर्मचारी भरती आयोगा वरवीं निवड जाल्लो खंयचो एलडीसी/ रिकवरी क्लार्क खंयच्या खात्यांत रुजू जातलो? हाची वळेरी जाहीर जाल्या. ही वळेरी कर्मचारी भरती आयोगाचे वेबसायटीचेर उपलब्ध आसा. निवड जाल्ल्या एलडीसी/ रिकवरी क्लार्कचें नांव, ताका दिल्लें खातें, गुण अशा स्वरूपाची ही वळेरी आसा. 215 एलडीसींची 32 विवीध सरकारी खात्यांनी नेमणूक केल्या.
विवीध खात्यांनीच आयोगाक गरजे प्रमाण एलडीसीं पदांची वळेरी दिल्ली. ते प्रमाण आयोगान 13 डिसेंबर 2024 दिसा जायरात दिल्ली. सीबीटीच्या गुणांच्या आसारार विवीध गटांत मेळून 215 उमेदवारांची निवड केल्या. आयोगान निवड वळेरी तशेंच प्रतिक्षा वळेरीय जाहीर केल्या.
निवड जाल्ल्या 215 उमेदवारां मदीं सामान्य गटांतल्या 102, ओबीसी 51, एसटी 2६, एससी खेळगडे 1, एक्ससर्वीसमॅन 3 आनी दिव्यांग 8 उमेदवार आसात.
एलडीसीं सयत ह्याच वेळार ज्युनियर स्टेनोग्राफरांचीं पदां भरपा खातीरूय जायरात दिल्ली. ही पदां भरपाची प्रक्रिया सध्या सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
