भांगरभूंय | प्रतिनिधी
पणजी : गोंय उद्देगीक उदरगत महामंडळा वतीन पांच उद्देगीक वसणुकेंतल्या 28 भुंयखंडांचो भाडें तत्वाचेर उपलब्ध करून दितले. ते प्रमाण पिसुर्लें, होंडा, सांगें, पंचवाडी आनी कुंडय उद्देगीक वसणुकेंत वट्ट 44 हजार 986 चौरस मिटर भुंयखंडाचे लिलाव करतले. हाका लागून महामंडळाचे अधिकृत वेबसायटीचेर 15 ऑक्टोबर मेरेन नोंदणी आनी ऑनलायन पद्धतीन अर्ज करप गरजेचें आसा.
पिसुर्ले उद्देगीक वसणुकेंत 1777.50 चौमी, 2171 चौमी आनी 2309.6 चौमीचे आसात. हांचें दर 1070 रुपया आसतलें. होंडा उद्देगीक वसणुकेंत तीन भुंयखंड 250 ते 1327 चौमी मजगतीं आसा. हांचो दर 1070 रुपया आसा. सांगें उद्देगीक वसणुकेंत 10 भुंयखंड 1806 ते 2010 चौमी मजगतीं आसा. हाचें दर 1070 रुपया आसा. पंचवाडी उद्देगीक वसणुकेंत 10 भुंयखंड 880 ते 2879 चौमी मजगतीं आसा. हाचें दर 1780 रुपया आसा.
तशेंच कुंडय उद्देगीक वसणुकेंत 1 हजार चौरस मीटर चे दोन भुंयखंड उपलब्ध आशिल्ल्यान ताचें दर दरेकी 2120 रुपया आसा. ह्या भुंयखंडांचें वाटप हें गोंय उद्देगीक उदरगत महामंडळ (वाटप, हस्तांतरण आनी पोट-भाडें) नियमन 2023 च्या नियमन 5 अन्वये करतले. तशेंच चड म्हायती वेबसायटीचेर उपलब्ध आसा. हे विशीं गरज पडल्यार कसलोच बदल करपाचे सगले अधिकारी ह्या महामंडळा कडेन आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
