भांगरभूंय | प्रतिनिधी
पणजी: फाटल्या सप्तकांत पणजी बाजारांतल्या भाजयांच्या मोलांत उणाव आयिल्लो. पूण आवक उणी जाल्ल्यान सोमारा पणजे बाजारांतल्या कांय भाजयांच्या मोलांनी वाड जाली. भेंडो, घोसाळें 20 रुपयांनी वाडून दरेकी 80 रुपया कील जालें. टमाट 20 रुपयांनी वाडून 60 रुपया कील जालें. कांदो 10 रुपयांनी वाडून 40 रुपया जाल्यार बटाट 5 रुपयांनी वाडून 40 रुपया कील जालो. ढब्बू मिरसांग 20 रुपयांनी वाडून 120 रुपया कील जाली.
फाटल्या सप्तकाचे तुळेन सोमारा पणजी बाजारांत हेर भाजयांचे दर थीर आशिल्ले. बिन्स दर्ज्या प्रमाण 100 ते 120 रुपया कील आशिल्लें. नाल्ल दर आकारा प्रमाण 40 ते 60 रुपया आशिल्ले. मिरसांग दर्ज्या प्रमाण 100 ते 120 रुपया कील आशिल्ली. कोबी 40 रुपया जाल्यार फ्लॉवर 50 रुपयान विकताले. गाजर 80 रुपया कील जाल्यार ल्हान वायंगे 60 रुपया कील आशिल्लें. मोटे वायंगें 80 रुपया कील आशिल्लें. शेवग्याच्यो शांगो 160 रुपया कील आशिल्ल्यो.
बाजारांत मेथी 30 रुपया, जाल्यार शेपू 20 रुपया चुडी आशिल्ली. पालक 10 रुपया, तांबडी भाजयेची एक चुडी 15 रु. जाल्यार कोथमीर 25 रुपया चुडी आशिल्ली. आलें 160 रुपया जाल्यार लसूण दर्ज्या प्रमाण 300 ते 400 रुपया कील आशिल्ली. बीट 80 रुपया कील आशिल्लो. जाल्यार लिंबू 20 रुपयांक चार मेळटाले. सोमारा फलोत्पादन मंडळाच्या गाड्यांचेर भेंडो 60 रू., कोबी 33 रू. ,फ्लॉवर 40 रू. एक नग, गाजर 64 रू., वालपापडी 78 रू., मिरसांग 52, कांदो 25 रू., बटाटा 30 रू. जाल्यार टमाटे 44 रुपया कील आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
