भांगरभूंय | प्रतिनिधी
करूर, खबरां संस्था: तामिळनाडूच्या करूर हांगा जाल्ले अभिनेतो विजयचे रॅलींत खेटाखेट जाली. हे घडणुकेंत 16 बायलो आनी 10 भुरग्यां सयत 38 जाणांक मरण आयलें. 95 जाण जखमी जाले, जाल्यार 51 जाण आयसीयूंत आसात. मरण आयिल्ल्याचो आंकडो आनीक वाडपाची शक्यताय आसा.
अभिनेतो विजय हांणी 2 फेब्रुवारी 3024 दिसा टीव्हीकेची स्थापना केली आनी 2026 चे विधानसभा वेंचणुकेंत लढपाचो विचार जाहीर केलो. हाचो परिणाम, तो राज्यभर रॅली काडटा. ह्याच हेतान करूर हांगांय एक रॅली काडली.
विजय पक्षाचो अजेंडा, विचारसरणी आनी सुधारणा येवजण जनते मुटार स्पश्ट करपाचो यत्न करता.
टीव्हीकेच्या ट्विटर हँडला वेल्यान अशे पोस्ट केल्ले, अभिनेतो विजय दनपरां 12 वरां मेरेन कार्यावळी सुवातेर पावतलो आनी सकाळीं 11 वरां पसून गर्दी जावपाक लागली. मात विजय सांजेवेळार 7.40 वरांचेर कार्यावळी सुवातेर पावलो.
रॅलीक सुमार 10,000 लोकां खातीर परवानगी आशिल्ली. मात, हे सुवातेर 50,000 लोक जमिल्ले. विजयाक रॅलींत एक 9 वर्सां पिरायेची चली बेपत्ता आशिल्ल्याचें सांगलें आनी तांणी तेन्ना मजती खातीर उलो मारलो. हाका लागून खेटाखेट जाली.
ह्या अपघाता उपरांत गृहमंत्रालयान राज्य सरकारा कडल्यान अहवाल मागयलो. विजयान जखमीची भेट घेवंक ना वा तांका पाचारूकय ना. तो सरळ चार्टर्ड विमानान चेन्नई गेलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
