भांगरभूंय | प्रतिनिधी
नवी दिल्ली, खबरां संस्थाः स्वदेशी उत्पादनांचो प्रचार करपा खातीर आनी उर्बां वाडोवपा खातीर भाजपान सोशल मिडिया वरवीं तरणाट्यांक गुंतवपाक सुरवात केल्या. “जेन-झी” शेजारच्या देशांतली सत्ता बदलपाक व्यस्त आसतना, भाजप पक्ष स्वदेशी उत्पादनां खातीर एक शक्त म्हूण तरणाट्या पिळगेक एकठांय हाडटा.
आमचे तरणाटे देशाचे उदरगती खातीर एकठांय आसात, तांकां “जेन-झी” आनी “नॉन-जेन-झी” अशें विभागून समस्या निर्माण करिनात असो संदेश ह्या मोहिमेतल्या मेळटलो.
सोशल मिडिया वरवीं आमी सेलिब्रिटी आनी प्रतिभेक गुंतयतले. 25 सप्टेंबर सावन सुरू जाल्ली ही मोहीम तीन म्हयने म्हणल्यार 25 डिसेंबर मेरेन चालू उरतली. लोकांनी स्वदेशी उत्पादनां आपणावपाक जाय असो उलो हे मोहिमेतल्यान मारतले अशें भाजपाचे सरचिटणीस अरुण सिंग हांणी सांगलें. डिजिटल प्लॅटफॉर्मांचेर तरणाटे चड सक्रीय आशिल्ल्यान तरणाट्यांचेर लक्ष केंद्रीत आसा. मोहिमेत तरणाटे हालींच खंयचीं देशी उत्पादनां तांणी आपणायल्यात तें शॅर करतले अशें आनीक एका वरिश्ठ फुडाऱ्यान सांगलें.
… सगळ्यांत व्हडल्या क्षमतेचेर लक्ष केंद्रीत
० देशांतल्या लोकसंख्ये मदली 65% लोकांची पिराय 35 वर्सां सकयल आसा.
० देशांतली जेन-झी (जल्म: 1997-2012) आनी मिलेनियल्स (जल्म: 1981-1996) हांची वट्ट लोकसंख्या 70 कोटी वयर आसा.
० हो विभाग सोशल मिडियाचेर सक्रीय आसा आनी ई-कॉमर्साचेर खर्च करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
