भांगरभूंय | प्रतिनिधी
माजोड्ड्यां: प्रवाशांची मागणी पुराय करपाक कोंकण रेल्वे महामंडळान (ज्ञील) ठोकूर ते बायंडुर, माजोड्ड्यां ते वैभववाडी ह्या मार्गाचो ‘डबल ट्रॅकींग’ करपाचो निर्णय घेतला. 263 किमीच्या ह्या रस्त्याच्या दोट्टीकरणा खातीर सुकरता अहवाल तयार करपाक निविदा मागपा खातीर प्रक्रिया सुरू जाल्या. रोहा ते वीर ह्या ४७ किलोमीटर मार्गाचें दोट्टीकरण पयलींच पुराय केलां. दोट्टीकरण ह्यान पयलींच पुराय केलां. कोकण रेल्वे महामंडळान ठोकूर ते बायडुंर, माजोड्ड्यां (गोंय) ते वैभववाडी ह्या मार्गाच्या दोट्टीकरणाचो सुकरता अहवाल तयार करपाक निविदा मागयल्या.
कोकण रेल्वेन मंगळुरू (ठोकूर) आनी बायंडुर, कर्नाटक आनी माजोड्ड्यां (गोंय) तशेंच वैभववाडी रोड (महाराष्ट्र) ह्या मार्गाच्या दोट्टीकरणा खातीर सुकरता अहवाल तयार करपाक निविदा मागयल्ल्याचें कोकण रेल्वे महामंडळाचे वेवस्थापकीय संचालक संतोष कुमार झा हांणी स्पश्ट केलें.
ठोकूर ते मुकांबीका रोड बायंडुर (112 किमी), माजोर्डा ते वैभववाडी रोड (151 किमी) ह्या मार्गाच्या दुहेरीकरणाचो सुकरता अहवाल तयार करपाक एक कोटी, 31 कोटी रुपया खर्च येतो अशें महामंडळान स्पश्ट केलां. ते प्रमाण निविदा जारी केल्या. निविदा भरपा खातीर 14 ऑक्टोबर ही निमाणी तारीख. निविदा मेळयिल्ले तारखे उपरांत 3 म्हयन्यांत सुकरता अहवाल तयार करचो पडटलो.
कोकण रेल्वेन ह्यान पयलींच रोहा आनी वीर ह्या 47 कि.मिटर मार्गाचे दोट्टीकरण पुराय केलां. आतां 741 किलोमिटर मार्गा मदलें 310 कि. मीटर मार्गाचें दोट्टीकरण पुराय करपा खातीर कोकण रेल्वे महामंडळ सज्ज जालां.
प्रवासी, माल व्हरपी गाडयो सुरू करचे खातीर कोकण रेल्वे महामंडळा कडेन मागणी वाडटा. प्रवाशांची ही वाडटी मागणी पुराय करपा खातीर मार्गाचें दोट्टीकरण करप गरजेचें आशिल्ल्याचें कोकण रेल्वेचे वेवस्थापकी संचालक संतोष कुमार झा हांणी स्पश्ट केलें. कांय वर्सां आदीं कोकण रेल्वेन 141 कि. मिटरच्या मार्गाचें दोट्टीकरण करपाचो प्रस्ताव रेल्वे मंत्रालया कडेन धाडिल्लो. तातूंत 18 रेल्वेस्टेशनांचो आसपाव आशिल्लो. मात, मंत्रालया वतीन मान्यताय मेळूंक नाशिल्ल्यान हो प्रस्ताव मुखार सरूंक ना.
वयल्या मार्गाचो दोट्टीकरणाचो प्रस्ताव ह्यान पयलीं भायर मारले उपरांत आतां महामंडळ सुकरता अहवाल तयार करपाक लागलां. उपरांत महामंडळ महाराष्ट्र, गोंय, कर्नाटक आनी केरळ ह्या राज्यां कडेन भांडवली खर्च उबारपा विशीं पत्र वेव्हार करतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
